Page Text
________________
बारसमं सतं (पढमो उद्देसो)
५४३ २०. भंतेति ! भगवं गोयमे समगं भगवं महावीरं वंदइ नमसइ, वंदित्ता नमंसित्ता
एवं वयासी-कतिविहा णं भंते ! जागरिया पण्णत्ता ? गोयमा ! तिविहा जागरिया पण्णत्ता, तं जहा–बुद्ध जागरिया, अबुद्ध जागरिया,
सुदक्खुजागरिया ॥ २१. के केणटेणं भंते ! एवं वुच्चइ तिविहा जागरिया पण्णत्ता, तं जहा-बुद्धजा
गरिया, अबुद्धजागरिया, सुदक्खुजागरिया ? गोयमा ! जे इमे अरहता भगवतो उप्पण्णनाणदंसणधरा "अरहा जिणे केवली तीयपच्चुप्पन्नमणागयवियाणए ° सव्वण्णू सव्वदरिसी एए णं बुद्धा' बुद्धजागरियं जागरंति । जे इमे अणगारा भगवंतो रियासमिया' भासासमिया' •एसणासमिया पायाणभंडमत्तनिक्खेवणासमिया उच्चार-पासवण-खेल-सिंघाण-जल्ल-परिट्ठावणियासमिया मणसमिया वइसमिया कायसमिया मणगुत्ता वइगुत्ता कायगुत्ता गुत्ता गुत्ति दिया ° गुत्तबंभचारी-एए णं अबुद्धा अबुद्धजागरियं जागरंति । जे इमे समणोवासगा अभिगयजीवाजीवा जाव' अहापरिग्गहिएहिं तवोकम्मेहिं अप्पाणं भावेमाणा विहरंति --एए णं सुदक्खुजागरियं जागरंति । से तेणढेणं गोयमा ! एवं वुच्चइ-तिविहा जागरिया पण्णत्ता, तं जहा बुद्धजागरिया,
अबुद्धजागरिया , सुदक्खुजागरिया ॥ २२. तए णं से संखे समणोवासए समणं भगवं महावीरं वंदइ नमसइ, वंदित्ता
नमंसित्ता एवं वयासी-कोहवसट्टे णं भंते ! जीवे किं बंधइ ? किं पकरेइ ? कि चिणाइ ? कि उवचिणाइ ? संखा ! कोहवसट्टे णं जीवे अाउयवज्जानो सत्त कम्मपगडीअो सिढिलबंधणबद्धानो धणियबंधणबद्धानो पकरेइ, हस्सकालठिइयायो दीहकालठिइयानो पकरेइ, मंदाणुभावाप्रो तिव्वाणुभावाप्रो पकरेइ, अप्पपएसग्गाग्रो बहुप्पएसग्गाग्रो पकरेइ, आउयं च णं कम्मं सिय बंधइ, सिय नो बंधइ, अस्सायावेयणिज्ज च णं कम्मं भुज्जो-भुज्जो उवचिणाइ, अणाइयं च णं अणव
दग्गं दोहमद्धं चाउरतं संसारकंतारं° अणुपरियट्टइ ।। २३. माणवसदृ णं भंते ! जीवे कि बंधइ ? कि पकरेइ ? कि चिणाइ ? कि
१. सं० पा०-जहा खंदए जाव सवण्णू । २. X (अ)। ३. इरिया ° (ब म)। ४. सं० पा०-भासासमिया जाव गुत्तबंभचारी। ५. ० चारिणो (अ)। ६. भ० २१६४।
७. सं० पा०-जागरिया जाव सुदक्खु । ८. सं० पा०–एवं जहा पढमसए असंवुडस्स
अणगारस्स जाव अरणपरियट्टइ । ६. सं० पा०—एवं चेव, एवं मायवस?
वि एवं लोभवसट्टे वि जाव अणुपरियट्टइ।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |