Page Text
________________
५४२
भगवई
निग्गच्छिता जेणेव कोट्ठए चेइए, जेणेव समणे भगवं महावीरे, तेणेव उवागच्छइ, उवागच्छित्ता तिक्खुत्तो आयाहिण-पयाहिणं करेइ, करेत्ता वंदइ नमसइ,
वंदित्ता नमंसित्ता तिविहाए पज्जुवासणाए° पज्जुवासति ।। १६. तए णं ते समणोवासगा कल्लं पाउप्पभायाए रयणीए जाव' उट्टियम्मि सूरे
सहस्सरस्सिम्मि दिणयरे तेयसा जलते ण्हाया कयबलिकम्मा जाव अप्पमहग्याभरणालंकियसरीरा सएहि-सएहिं गिहेहितो पडिनिक्खमंति, पडिनिक्खमित्ता एगयो मेलायति', मेलायित्ता 'पायविहारचारेणं सावत्थीए नगरोए मज्झमझेणं निग्गच्छंति, निग्गच्छित्ता जेणेव कोटर चेइए, जेणेव समणे भगवं महावीरे, तेणेव उवागच्छंति, उवागच्छित्ता समणं भगवं महावीरं जाव' तिविहाए पज्जु
वासणाए° पज्जुवासंति ॥ १७. तए णं समणे भगवं महावीरे तेसिं समणोवासगाणं तीसे य महतिमहालियाए
परिसाए 'धम्म परिकहेइ" जाव आणाए आराहए भवइ ।। १८. तए णं ते समणोवासगा समणस्स भगवनो महावीरस्स अंतियं धम्म सोच्चा
निसम्म हट्ठतुट्ठा उठाए उट्ठति, उद्वेत्ता समणं भगवं महावीरं वंदति नमसंति, वंदित्ता नमंसित्ता जेणेव संखे समणोवासए, तेणेव उवागच्छंति, उवागच्छित्ता संखं समणोवासयं एवं वयासो-तुमं णं देवाणुप्पिया ! हिज्जो अम्हे अप्पणा चेव एवं वयासी-तुम्हे णं देवाणुप्पिया ! विउलं असणं •पाणं खाइमं साइम उवक्खडावेह । तए णं अम्हे तं विपुलं असणं पाणं खाइमं साइमं अस्साएमाणा विस्साएमाणा परिभाएमाणा परि जेमाणा पक्खियं पोसहं पडिजागरमाणा विहरिस्सामो । तए णं तुमं पोसहसालाए •पोसहिए बंभचारी प्रोमुक्कमणिसूवण्णे ववगयमाला-वण्णग-विलेवणे निक्खत्तसत्थ-मुसले एगे अबिइए दब्भसंथारोवगए पक्खियं पोसहं पडिजागरमाणे ° विहरिए, तं सुठ्ठ णं तुम देवाण
प्पिया! अम्हे हीलसि ॥ १६. अज्जोति ! समणे भगवं महावीरे ते समणोवासए एवं वयासी- मा णं अज्जो !
तुब्भे संखं समणोवासगं हीलह निंदह खिसह गरहह अवमण्णह । संखे णं समणोवासए पियधम्मे चेव, दढधम्मे चेव, सुदक्खुजागरियं जागरिए॥
१. भ० २।६६ ।
६. धम्मक हा (अ, क, ख, ता, ब, म, स)। २. भ. २०६७।
७. ओ० सू० ७१-७७ । ३. मिलायति (अ, ख, ब, स)।
८. सं० पा०-असरणं जाब विहरिस्सामो। ४. सं० पा०-सेसं जहा पढमं जाव पज्जुवा- ६. सं० पा०-पोसहसालाए जाव विहरिए। संति ।
१०. हीलेसि (अ, स)। ५. भ० २।७।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |