Page Text
________________
५१६
भगवई
मयंसि' सुत्तजागरा प्रोहीरमाणी-योहीरमाणी अयमेयारूवं अोरालं कल्लाणं सिवं धण्णं मंगल्लं सस्सिरीयं महासविणं पासित्ता णं पडिबद्धा। हार-रयय-खीरसागर-ससंककिरण-दगरय-रययमहासेल-पंडरतरोरुरमणिज्ज'पेच्छणिज्जं थिर-लट्ठ-पउट्ठ-वट्ट-पीवर-सुसिलिट्ठ-विसिट्ठ-तिक्खदाढाविडंबियमुहं परिकम्मियजच्चकमलकोमल-माइयसोभंतलट्ठओटुं 'रत्तुप्पलपत्तमउयसुकुमालतालुजीह मूसागयपवरकणगताविययावत्तायंत-बट्ट-तडिविमलसरिसनयणं विसालपीवरोरं पडिपुण्णविपुलखधं मिउविसयसुहमलक्खण-पसत्थविच्छिन्न-केसरसडोवसोभियं ऊसिय-सुनिम्मिय-सुजाय-अप्फोडियलंगूलं सोमं सोमाकारं लीलायंतं जंभायंतं, नहयलामो प्रोवयमाणं, निययवयणमतिवयंत सीहं सुविणे पासित्ता णं 'पडिबुद्धा समाणी'' हट्ठतु चित्तमाणंदिया णंदिया पोइमणा परमसोमणस्सिया हरिसवसविसप्पमाण हियया धाराहयकलंबगं पिव समूसवियरोमकूवा" तं सुविणं प्रोगिण्हइ, अोगिण्हित्ता सयणिज्जायो अब्भुट्टेइ, अब्भुद्वेत्ता अतुरियमचवलमसंभंताए अविलंबियाए रायहंससरिसीए गईए जेणेव बलस्स रणो सयणिज्जे तेणेव उवागच्छइ, उवागच्छित्ता बलं रायं ताहि इटाहिं कंताहिं पियाहि मणुण्णाहिं मणामाहिं अोरालाहिं कल्लाणाहिं सिवाहि धन्नाहि मंगल्लाहिं सस्सिरीयाहिं मिय-महर-मंजुलाहिं गिराहिं संलवमाणी-संलवमाणी पडिबोहेइ, पडिबोहेत्ता बलेणं रण्णा अब्भणुण्णाया समाणी नाणामणिरयणभत्तिचित्तंसि" भद्दासणंसि निसीयति, निसीयित्ता आसत्था वीसत्था सुहासणवरगया बलं रायं ताहिं इटाहि कंताहिं जाव मिय-महुर-मंजुलाहिं गिराहिं संलवमाणी-संलवमाणी एवं वयासी-एवं खलु अहं देवाणु प्पिया! अज्ज तंसि तारिसगंसि सयणिज्जसि सालिंगणवट्टिए तं चेव जाव नियगवयणमइवयंतं सीहं सुविणे पासित्ता णं पडिबुद्धा, तण्णं देवाणुप्पिया ! एयस्स अोरालस्स जाव
महासुविणस्स के मन्ने कल्लाणे फलवित्तिविसेसे भविस्सइ ? १. अड्ढ ° (ता, म)।
६. x (अ, ख, ता, म)। २. महासुविणं सूविणे (क, ता, ब, म, स, वृ)। १०. निययवयणकमलसरमइवंतं (ता, म)। ३. पंडुर ° (अ, ब, स,)।
११. पडिबद्धा तए णं सा पभावती देवी अयमेया४. ° उर्दु (अ, क, ब, स)।
रूवं ओरालं जाव सस्सिरीयं महासुमिणं ५. वाचनान्तरे-रत्तुप्पलपत्तमउयसुकुमालतालु- सुविणे पासित्ता णं पडिबुद्ध समाणी (क, निल्लालियग्गजीहं महगुलियाभिसंतपिंगलच्छं ख, ता, ब, स)। (वृ)।
१२. सं० पा०-हट्टतुट्ठ जाव हियया । ६. विक्किण्ण (ता, वृपा) ।
१३. समूससित° (ब)। ७. ऊससिय (ता)।
१४. रयणविचित्तंसि (ता)। ८. अप्फोडियतलनंगोलं (ख)।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |