________________
४६२
भगवई
कम्हा णं भंते ! जमाली अणगारे कालमासे कालं किच्चा लंतए कप्पे तेरससागरोवमट्ठितिा सु देवकिव्विसिएसु देवेसु देवकिव्विसियत्ताए उववन्ने ? गोयमा ! जमाली णं अणगारे प्रायरियपडिणीए, उवज्झायपडिणीए, आयरियउवज्झायाणं अयसकारए अवण्णकारए अकित्तिकारए बहूहिं असब्भावुब्भावणाहिं, मिच्छत्ताभिनिवेसेहि य अप्पाणं परं च तदुभयं च बुग्गाहेमाणे ° वुप्पाएमाणे बहूई वासाइं सामण्णपरियागं पाउणित्ता, अद्धमासियाए संलेहणाए तीसं भत्ताइं अणसणाए छेदेत्ता तस्स ठाणस्स प्रणालोइयपडिक्कते कालमासे कालं किच्चा लंतए कप्पे' 'तेरससागरोवमट्ठितिएसु देवकिव्विसिएसु देवेसु
देवकिव्विसियत्ताए° उववन्ने ।। २४४. जमाली णं भंते ! देवे तारो देवलोगाग्रो आउक्खएणं भवक्खएणं ठिइक्खएणं
अणंतरं चयं चइत्ता कहिं गच्छिहिति ? ° कहिं उववज्जिहिति ? गोयमा ! चत्तारि पंच तिरिक्खजोणिय-मणुस्स-देवभवग्गहणाइं संसारं अणुपरियट्टित्ता तो पच्छा सिज्झिहिति' 'बुज्झिहिति मुच्चिहिति परिणिव्वाहिति
सव्वदुक्खाणं ° अंतं काहिति ।। २४५. सेवं भंते ! सेवं भंते ! त्ति।
चोत्तीसइमो उद्देसो
एगस्स वधे प्रणेगवध-पदं २४६. तेणं कालेणं तेणं समएणं रायगिहे जाव' एवं वयासी-पुरिसे णं भंते ! पुरिसं
हणमाणे कि पुरिसं हणइ ? नोपुरिसे हणइ ?
गोयमा ! पुरिसं पि हणइ, नोपुरिसे वि हणइ ॥ २४७. से केणटेणं भंते ! एवं वुच्चइ-पुरिसं पि हणइ, नोपुरिसे वि हणइ ?
१. सं० पा०-अवण्णकारए जाव वुप्पाएमाणे। ५. भ० ११५१ । २. सं० पा०—कप्पे जाव उववन्ने ।
६. भ. ११४-१०। ३. सं० पा०-आउक्खएणं जाव कहिं । ७. छणइ (वृपा)। ४. सं० पा०-सिज्झिहिति जाव अंतं ।
Jain Education International
For Private & Personal Use Only
www.jainelibrary.org
