Page Text
________________
४५८
भगवई
२२८. तए णं तस्स जमालिस्स अणगारस्स अय मेयारूवे अज्झथिए' चितिए पत्थिए
मणोगए संकप्पे° समुप्पज्जित्था-जण्णं समणे भगवं महावीरे एवमाइक्खइ जाव' एवं परूवेइ-एवं खलु चलमाणे चलिए, उदीरिज्जमाणे उदोरिए', •वेदिज्जमाणे वेदिए, पहिज्जमाणे पहोणे, छिज्जमाणे छिण्णे, भिज्जमाणे भिण्णे, दज्झमाणे दड्ढे, मिज्जमाणे मए °, निज्जरिज्जमाणे निज्जिण्णे, तण्णं मिच्छा। इमं च णं पच्चक्खमेव दीसइ सेज्जा-संधारए कज्जमाणे अकडे, संथरिज्जमाणे असंथरिए । जम्हा णं सेज्जा-संथारए कज्जमाणे अकडे, संथरिज्जमाणे असंथरिए। तम्हा चलमाणे वि अचलिए जाव निज्जरिज्जमाणे वि अनिज्जिण्णे-एवं संपेहेइ, संपेहेत्ता समणे निग्गंथे सद्दावेइ, सद्दावेत्ता एवं वयासी-जण्णं देवाणुप्पिया ! समणे भगवं महावीरे एवमाइक्खइ जाव परूवेइ - एवं खलु चलमाणे चलिए जाव निज्जरिज्जमाणे निज्जिण्णे, तण्णं मिच्छा। इमं च णं पच्चवखमेव दीसइ सेज्जा-संथारए कज्जमाणे अकडे, संथरिज्जमाणे असंथरिए । जम्हा णं सेज्जा-संथारए कज्जमाणे अकडे, संथरिज्जमाणे असंथरिए । तम्हा चलमाणे वि अचलिए जाव निजरिज्जमाणे
वि अनिज्जिण्णे॥ २२६. तए णं तस्स जमालिस्स अणगारस्स एवमाइक्खमाणस्स जाव परूवमाणस्स
अत्थेगतिया समणा निग्गंथा एयमटुं सद्दहति पत्तियंति रोयंति, अत्यंगतिया समणा निग्गंथा एयमटुं नो सद्दहति नो पत्तियंति नो रोयंति । तत्थ णं जे ते समणा निग्गंथा जमालिस्स अणगारस्स एयमद्रं सद्दहति पत्तियंति रोयंति, ते णं जमालि चेव अणगारं उवसंपज्जित्ता णं विहरंति । तत्थ णं जे ते समणा निगंथा जमालिस्स अणगारस्स एयमद् नो सहति नो पत्तियंति नो रोयंति. ते णं जमालिस्स अणगारस्स अंतियानो कोटगानो चेइयानो पडिनिक्खमंति, पडिनिवखमित्ता पुव्वाणुपुद्वि चरमाणा गामाणुग्गामं दूइज्जमाणा जेणेव चंपा नयरी, जेणेव पुण्णभद्दे चेइए, जेणेव समणे भगवं महावीरे तेणेव उवागच्छंति, उवागच्छित्ता समणं भगवं महावीरं तिक्खुत्तो आयाहिण-पयाहिणं करेंति, करेत्ता वंदंति नमसंति, वंदित्ता नमंसित्ता समणं भगवं महावीरं उवसंपज्जित्ता
णं विहरंति ॥ २३०. तए णं से जमाली अणगारे अण्णया कयाइ' तानो रोगायंकायो विप्पमुक्के
हढे जाए, अरोए वलियसरीरे सावत्थीयो नयरीअो कोट्ठगानो चेइयानो
१. सं० पा०-अज्झथिए जाव समुप्पज्जित्था। ४. सं० पा०-तं चेव जाव। २. भ० ११४२० ।
५. कयाति (अ, ब, स); कदायी (ता)। ३. सं० पा०-उदीरिए जाव निजरिज्जमाणे।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |