Page Text
________________
४५४
भगवई
जय नंदा ! भदं ते' अभग्गेहि नाण-दसण-चरित्तेहिमुत्तमेहि', अजियाई जिणाहि इंदियाइं, जियं पालेहि समणधम्म, जियविग्यो वि य वसाहि तं देव! सिद्धि मझे, निहणाहि य रागदोसमल्ले तवेणं धितिधणियवद्धकच्छे, मद्दाहि य अट्ठ कम्मसत्तू झाणेणं उत्तमेणं सुक्केणं, अप्पमत्तो हराहि पाराहणपडाग च धीर ! तेलोक्करंगमज्झ, पावय वितिमिरमणुत्तरं केवल च नाणं, गच्छ य मोक्खं परं पदं जिणवरोवदितुणं सिद्धिमग्गेणं अकुडिलेणं हंता परीसहचमू अभिभविय गामकंटकोवसग्गा णं, धम्मे ते अविग्धमत्थु त्ति कट्ठ अभिनंदंति य
अभिथुणंति य॥ २०६. तए णं से जमाली खत्तियकुमारे नयणमालासहस्सेहि पेच्छिज्जमाणे-पेच्छिज्ज
माणे "हिययमालासहस्सेहि अभिणं दिज्जमाणे-अभिणंदिज्जमाणे मणोरहमालासहस्से हि विच्छिप्पमाणे-विच्छिप्पमाणे वयणमालासहस्सेहि अभिथुव्वमाणेअभिथुव्वमाणे कतिसोहग्गगुणेहि पत्थिज्जमाणे-पत्थिज्जमाणे बहूणं नरनारिसहस्साणं दाहिणहत्थेणं अंजलिमालासहस्साई पडिच्छमाणे-पडिच्छमाणे मंजुमंजुणा घोसेणं आपडिपुच्छमाणे-आपडिपुच्छमाणे भवणपंतिसहस्साइं समइच्छमाणे-समइच्छमाणे खत्तियकुंडग्गामे नयरे मज्झमज्झणं निग्गच्छइ,निग्गच्छित्ता जेणेव माहणकुंडग्गामे नयरे जेणेव बहुसालए चेइए तेणेव उवागच्छइ, उवागच्छित्ता छत्तादीए तित्थग रातिसए पासइ, पासित्ता पुरिससहस्सवाहिणि सीयं ठवेइ, पुरिससहस्सवाहिणीनो सीयानो पच्चोरुहइ ॥ तए णं तं जमालि खत्तियकुमारं अम्मापियरो पुरनो काउं जेणेव समणे भगवं महावीरे तेणेव उवागच्छंति, उवागच्छित्ता समणं भगवं महावीरं तिक्खुत्तो
अायाहिण-पयाहिणं करेंति, करेत्ता वंदति नमसंति, वंदित्ता नमंसित्ता एवं वयासी-एवं खलु भंते ! जमाली खत्तियकूमारे अम्हं एगे पुत्ते इट्रे कंते 'पिए मणुण्णे मणामे थेज्जे वेसासिए संमए बहुमए अणुमए भंडकरंडगसमाणे रयणे रयणब्भूए जीविऊसविए हिययनंदिजणणे उंबरपुप्फ पिव दुल्लभे सवणयाए°, किमंग ! पुण पासणयाए ? से जहानामए उप्पले इ वा, पउमे इ वा जाव' सहस्सपत्ते इ वा पंके जाए जले संवुडे नोवलिप्पति पंकरएणं, नोवलिप्पति
जलरएणं, एवामेव जमाली वि खत्तियकुमारे कामेहि जाए, भोगेहिं संवुड्ढे १: भवतादिति गम्यते (व)।
५. सं० पा० --- एवं जहा ओववाइए कूणिओ २. अभिग्गहेहि (अ)।
जाव निग्गच्छा। ३. चरित्तमुत्तमेहि (अ, क, म, स); चरित्तमु- ६. सं० पा०-तिवखुत्तो जाव नमंसित्ता। त्तेहि (ता)।
७. सं० पा०-कते जाव किमंग। ४. अभिभविया (अ, क, म); अभिभविता ८. ओ० सू० १५० ।
(ता); अभिसमिया (ब)।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |