Page Text
________________
४५२
भगवई
मत्थए अंजलि कटु जएणं विजएणं वद्धावेंति, ° वद्धावेत्ता एवं वयासी-संदि
संतु णं देवाणुप्पिया ! जं अम्हेहिं करणिज्ज । २०२. तए णं से जमालिस्स खत्तियकुमारस्स पिया तं कोडंबियवरतरुणसहस्सं एवं
वयासी तब्भे णं देवाणप्पिया ! ण्हाया कय बलिकम्मा कयकोउय-मंगलपायच्छित्ता एगाभरणवसण °-गहियनिज्जोया जमालिस्स खत्तियकुमारस्स
सीयं परिवहेह ।। २०३. तए णं ते कोडंबियवरतरुणपुरिसा जमालिस्स खत्तियकुमारस्स पिउणा एवं
वुत्ता समाणा जाव' पडिसुणेत्ता ण्हाया जाव' एगाभरणवसण-गहियनिज्जोगा
जमालिरस खत्तियकुमारस्स सीयं परिवहंति ।। २०४. तए णं तस्स जमालिस्स खत्तियकुमारस्स पुरिससहस्सवाहिणि सीयं दुरूढस्स
समाणस्स तप्पढमयाए इमे अट्ठट्ठमंगलगा पुरो ग्रहाणुपुवीए संपट्ठिया, तं जहा
-सोत्थिय-सिरिवच्छ'- णंदियावत्त-वद्धमाणग-भद्दासण-कलस-मच्छ ०-दप्पणा। तदाणंतरं च णं पुण्णकलसभिंगारं', दिव्वा य छत्तपडागा सचामरा दसण-रइयआलोय-दरिसणिज्जा, वाउद्धय-विजयवेजयंती य ऊसिया गगणतलमणुलिहती पुरो अहाणुपुवीए संपट्टिया। "तदाणंतरं च णं वेरुलिय-भिसंत-विमलदंडं पलंबकोरंटमल्लदामोवसोभियं चंदमंडलणिभं समुसियं विमलं आयवत्तं, पवरं सीहासणं वरमणि रयणपाद-पीढं सपाउयाजोयसमाउत्तं बहुकिंकर-कम्मकर-पुरिस-पायत्त-परिक्खित्तं पुरो अहाणुपुवीए संपट्ठियं । तदाणंतरं च णं वहवे लट्रिग्गाहा कृतग्गाहा चामरग्गाहा पासग्गाहा चादमाहा पोत्थयग्गाहा फलगग्गाहा पीढग्गाहा वीणग्गाहा कूवग्गाहा हडप्पग्गाहा पुरो अहाणुपुटवीए संपट्ठिया। तदाणंतरं च णं बहके दंडिणो मुंडिणो सिहंडिणो जडिणो पिछिणो हास करा डमरकरा दवकरा चाडुकरा कंदप्पिया कोक्कुइया किड्डुकरा य वायंता य गायंता य णच्चंता य हसंता य भासंता य सासंता य सावेंता य रक्खंता य° आलोयं च करेमाणा जय-जय सदं पउंजमाणा पुरो अहाणुपुवीए संपट्ठिया ।
१. सहस्सं पि (अ, क, ब, म, स)। २. सं० पा०कय जाव गहिय° । ३. भ० ६।१८५। ४. भ. ६२०१। ५. सं० पा०---सिरिवच्छ जाव दप्परणा। ६. सं० पा०- जहा ओववाइए जाव गगण°;
अनेन च यदुपात्तं तद्वाचनान्तरे साक्षादेवा
स्ति (वृ)। ७. सं० पा०–एवं जहा ओववाइए तहेव भाणि
यव्वं जाव पालोयं; एतच्च वाचनान्तरे प्रायः साक्षादृश्यत एव (वृ); वृत्तिकृता वाचनान्तरे अधिकपाठस्यापि सूचना कृतास्ति ।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |