Page Text
________________
नवमं सतं तेत्तीसइमो उद्देसो)
४४१ १६४. तए णं से जमाली खत्ति यकुमारे समणस्स भगवनो महावी रस्स अंतिए धम्म
सोच्चा निसम्म हट्ठ तुट्ठचित्तमाणदिए णदिए पीइमणे परमसोमणस्सिए हरिसवसविसप्पमाण हियए उट्ठाए उट्ठइ, उद्वेत्ता समणं भगवं महावीर तिक्खुत्तो आयाहिण-पयाहिणं करेइ, करेत्ता वंदइ नमसइ, वंदित्ता नमंसित्ता एवं वयासी-सद्दहामि णं भंते ! निग्गंथं पावयणं, पत्तियामि णं भंते ! निग्गंथं पावयणं, रोएमिणं भंते ! निग्गंथं पावयणं, अब्भदेमि णं भंते ! निगंथं पावयणं, एवमेयं भंते ! तहमेयं भंते ! अवितहमेयं भंते ! असंदिद्धमेयं भंते ! •इच्छियमेयं भंते ! पडिच्छियमेयं भंते ! इच्छिय-पडिच्छियमेयं भंते ! --से जहेयं तुब्भे वदह, जं नवरं- देवाणुप्पिया ! अम्मापियरो आपुच्छामि, तए णं अहं देवाणुप्पियाणं अंतियं मुंडे भवित्ता अगाराम्रो अणगारियं पव्वयामि ।
अहासुहं देवाणुप्पिया ! मा पडिबंधं ॥ १६५. तए णं से जमाली खत्तियकुमारे समणेणं भगवया महावीरेण एवं बुत्ते समाणे
हट्टतुटे समणं भगवं महावीरं तिवखुत्तो 'प्रायाहिण-पयाहिणं करेइ, करेत्ता वंदइ नमसइ, वंदित्ता नमंसित्ता तमेव चाउग्घंटं आसरहं दुरुहइ, दुरुहित्ता समणस्स भगवनो महावीरस्स अंतियानो बहुसालानो चेइयानो पडिनिक्खमइ, पडिनिक्खमित्ता सकोरेंट" मल्लदामेणं छत्तेणं ° धरिज्जमाणेणं महयाभडचडगर पहकरवंद परिविखत्ते, जेणेव खत्तियकुंडग्गामे नयरे तेणेव उवागच्छइ, उवागच्छित्ता खत्तियकुंडग्गामं नयरं मज्झमझेणं जेणेव सए गेहे जेणेव बाहिरिया उवट्टाणसाला तेणेव उवागच्छइ, उवागच्छित्ता तुरए निगिहइ, निगिण्हित्ता रहं ठवेइ, ठवेत्ता रहाम्रो पच्चोरुहइ, पच्चोरुहित्ता जेणेव अभिंतरिया उवट्ठाणसाला, जेणेव अम्मापियरो तेणेव उवागच्छइ, उवागच्छित्ता अम्मापियरो जएणं विजएणं वद्धावेइ, वद्धावेत्ता एवं वयासी-एवं खलु अम्मतायो ! मए समणस्स भगवनो महावीरस्स अंतियं धम्मे निसंते, से वि य मे धम्मे इच्छिए,
पडिच्छिए अभिरुइए। १६६. तए णं तं जमालि खत्तियकुमारं अम्मापियरो एवं वयासी-धन्ने सि णं तुम
जाया ! कयत्थे सि णं तुम जाया ! कयपुण्णे सि णं तुमं जाया ! कयलक्खणे सि णं तुम जाया ! जण्णं तुमे समणस्स भगवो महावीरस्स अंतियं धम्मे निसंते, से वि य ते धम्मे इच्छिए, पडिच्छिए, अभिरुइए॥
१. सं० पा०-हट जाव हियए। २. सं० पा०-तिक्खुत्तो जाव नमंसित्ता। ३. सं० पा०-भंते जाव से। ४. सं० पा०-तिक्खुत्तो जाव नमंसित्ता।
५. सं० पा०--सकोरेंट जाव धरिज्जमाणेणं । ६. सं० पा०-चडगर जाव परिक्खित्ते। ७. अम्मयाओ (अ, स); अम्माताओ (ब)।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |