Page Text
________________
४४०
भगवई
१६१. तए णं ते कोडुबियपुरिसा जमालिणा खत्तियकुमारेणं एवं वुत्ता समाणा' चाउ
रघंट आस रहं जुत्तामेव उवट्ठवेंति, उवट्ठवेत्ता तमाणत्तियं ° पच्चप्पिणंति । १६२. तए णं से जमाली खत्तियकुमारे जेणेव मज्जणघरे तेणेव उवागच्छइ, उवाग
च्छित्ता हाए कयबलिकम्मे जाव चंदणुक्खित्तगायसरीरे सव्वालंकारविभूसिए मज्जणघरानो पडिनिक्खमइ, पडिनिक्खमित्ता जेणेव बाहिरिया उवट्ठाणसाला, जेणेव चाउग्घंटे आस रहे तेणेव उवागच्छइ, उवागच्छित्ता चाउग्घंटं ग्रासरहं दुरुहइ, दुरुहित्ता सकोरेटमल्लदामेणं छत्तणं धरिज्जमाणेणं, महयाभडचडकरपहकरवंदपरिविखत्ते खत्तियकुंडग्गामं नगरं मज्झमझेणं निग्गच्छइ, निग्गच्छित्ता जेणेव माहणकुंडग्गामे नयरे, जेणेव बहुसालए चेइए तेणेव उवागच्छइ, उवागच्छित्ता तुराए निगिण्हेइ, निगिण्हेत्ता रहं ठवेइ, ठवेत्ता रहाम्रो पच्चोरुहति, पच्चोरहित्ता पुप्फतंवोलाउहमादियं पाहणाओ य विसज्जेति, विसज्जेत्ता एगसाडियं उत्तरासंगं करेइ, करेत्ता आयंते चोक्खे परमसुइब्भूए अंजलिमउलियहत्थे जेणेव समणे भगवं महावीरे तेणेव उवागच्छइ, उवागच्छित्ता समणं भगवं महावीरं तिक्खुत्तो प्रायाहिण-पायाहिणं करेइ, करेत्ता वंदइ नमसइ,
वंदित्ता नमंसित्ता तिविहाए पज्जुवासणाए पज्जुवासइ ॥ १६३. तए णं समणे भगवं महावीरे जमालिस्स खत्तियकुमारस्स, तीसे य महतिमहा
लियाए इसि परिसाए मुणिपरिसाए जइपरिसाए देवपरिसाए अणेगसयाए अणेगसयवंदाए अणेगसयवंदपरियालाए अोहबले अइबले महब्बले अपरिमियबलवीरिय-तेय-माहप्प-कति-जुत्ते सारय-नवत्थणिय-महुरगंभीर-कोंचणिग्घोस-दंदुभिस्सरे उरे वित्थडाए कंठे वट्टियाए सिरे समाइण्णाए अगरलाए अमम्मणाए सुव्वत्तक्खर-सण्णिवाइयाए पुण्णरत्ताए सव्वभासाणुगामिणीए सरस्सईए जोयणणीहारिणा सरेणं अद्धमागहाए भासाए भासइ-धम्म परिकहेइ ° जाव परिसा पडिगया ॥
१. सं० पा०--समारणा जाव पच्चप्पिरगति । ३. चंदरणोकिष्ण (ता, म); चंदणोखिप्ण (ब) २. जाव ओववाइए परिसावण्णओ तहा भाणि- ४. द्रूहइ (अ, ता, ब); दुहति (क)।
यव्वं जाव (अ, क, ता, ब, म, स); मज्जन- ५. संकोरंट ° (म, स)। गृहप्रकरणे परिवारवर्णनस्य सूचना स्वाभा- ६. वाहणाओ (अ, म); पाणहाओ (क); वाणविकी नास्ति, अत: प्रतीयते अत्र पाठसंक्षेपी- हाओ (स)। करणे कश्चिद् विपर्ययो जातः । न च एतद्- ७. अंजलितम उ० (ता)। रूपेणासौ पाठः औषपातिके लभ्यते, अतए- ८. सं० पा०-करेत्ता जाव तिविहाए । वासौ पाठान्तरत्वेन स्वीकृतः । द्रष्टव्यम्- ६. सं० पा०-इसि जाव धम्मकहा। ओ० सू० ६३ ।
१०. ओ० सू०७१-७६ ।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |