________________
भट्ठमं सतं (पढमो उद्देसो)
३२३ गोयमा ! मणपयोगपरिणए वा, वइपयोगपरिणए वा, कायपयोगपरिणए
वा॥ मणपयोगपरिणति-पदं ४५. जइ मणपयोगपरिणए कि सच्चमणपयोगपरिणए ? मोसमणपयोगपरिणए ?
सच्चामोसमणपयोगपरिणए ? असच्चामोसमणपयोगपरिणए ? गोयमा ! सच्चमणपयोगपरिणए वा, मोसमणपयोगपरिणए वा, सच्चा
मोसमणपयोगपरिणए वा, असच्चामोसमणपयोगपरिणए वा ।। ४६. जइ सच्चमणपयोगपरिणए कि प्रारंभसच्चमणपयोगपरिणए ? अणारंभसच्च
मणपयोगपरिणए ? सारंभसच्चमणपयोगपरिणए ? असारंभसच्चमणपयोगपरिणए ? समारंभसच्चमणपयोगपरिणए ? असमारंभसच्चमणपयोगपरिणए ? गोयमा ! प्रारंभसच्चमणपयोगपरिणए वा जाव असमारंभसच्चमणपयोग
परिणए वा॥ ४७. जइ मोसमणपयोगपरिणए कि आरंभमोसमणपयोगपरिणए ?
एवं जहा सच्चेणं तहा मोसेण वि । एवं सच्चामोसमणपयोगेण वि । एवं
असच्चामोसमणपयोगेण वि ।। वइपयोगपरिणति-पदं ४८. जइ वइपयोगपरिणए कि सच्चवइपयोगपरिणए ? मोसवइपयोगपरिणए ?
एवं जहा मणपयोगपरिणए तहा वइपयोगपरिणए वि जाव असमारंभवइ
पयोगपरिणए वा ॥ कायपयोगपरिणति-पदं
जइ कायपयोगपरिणए कि अोरालियसरीरकायपयोगपरिणए ? ओरालियमीसासरीरकायपयोगपरिणए ? वेउव्वियसरीरकायपयोगपरिणए ? वेउव्वियमीसासरीरकायपयोगपरिणए ? आहारगसरीरकायपयोगपरिणए ? आहारगमीसासरीरकायपयोगपरिणए ? कम्मासरीरकायपयोगपरिणए ? गोयमा ! ओरालियसरीरकायपयोगपरिणए वा जाव कम्मासरीरकायपयोग
परिणए वा ॥ ५०. जइ अोरालियसरीरकायपयोगपरिणए कि एगिदियोरालियसरीरकायपयोग
परिणए ? जाव' पंचिदियओरालिय' सरीरकायपयोग ° परिणए ?
१. एवं जाव (अ, स)। २. सं० पा०-पंचिदियओरालिय जाव परिणए ।
Jain Education International
For Private & Personal Use Only
www.jainelibrary.org
