Page Text
________________
सत्तमं सतं (नवमो उद्देसो)
पडिनिक्खमित्ता एगंतमंतं' अवक्कमइ, अवक्कमित्ता तुरए निगिण्हइ, निगिण्हित्ता रहं ठवेइ, ठवेत्ता रहाम्रो पच्चोरुहइ, पच्चोरुहित्ता तुरए मोएइ, मोएत्ता तुरए विसज्जेइ, विसज्जेत्ता दब्भसंथारगं संथरइ, संथरित्ता दब्भसंथारगं दुरुहइ, दुरुहित्ता पुरत्थाभिमुहे संपलियंकनिसण्णे करयल परिग्गहियं दसनहं सिरसावत्तं मत्थए अंजलि कटु एवं वयासी-नमोत्थ णं अरहंताणं भगवंताणं जाव' सिद्धिगतिनामधेयं ठाणं संपत्ताणं, नमोत्थु णं समणस्स भगवो महावीरस्स आदिगरस्स जाव' सिद्धिगतिनामधेयं ठाणं संपाविउकामस्स मम धम्मायरियस्स धम्मोवदेसगस्स, वंदामि णं भगवंतं तत्थगयं इहगए, पासउ' मे से भगवं तत्थगए इहगयं ति कटु वंदइ नमसइ, वंदित्ता नमंसित्ता एवं वयासी-पुवि पि णं मए समणस्स भगवो महावीरस्स अंतिए थूलए पाणाइवाए पच्चक्खाए जावज्जीवाए, एवं जाव' थूलए परिग्गहे पच्चक्खाए जावज्जीवाए, इयाणि पिणं अहं तस्सेव भगवो महावीरस्स अंतिए सव्वं पाणाइवायं पच्चक्खामि जावज्जीवाए जाव मिच्छादसणसल्लं पच्चक्खामि जावज्जीवाए। सव्वं असण-पाण-खाइम-साइम-चउव्विहं पिाहारं पच्चक्खामि जावज्जीवाए। जं पि य इमं सरीरं इटुं कंतं पियं जाव मा णं वाइयपित्तिय-सेभिय-सण्णिवाइय विविहा रोगायंका परीसहोवसग्गा फुसंतु त्ति कटट. एयं पि णं चरिमेहि ऊसास-नीसासे हि वोसिरिस्सामि त्ति कटट सण्णाहपट्ट मुयइ, मुइत्ता सल्लुद्धरणं करेइ, करेत्ता आलोइय-पडिक्कते समाहि
पत्ते आणुपुव्वीए" कालगए॥ वरुणनागनत्तुय-मित्त-पदं २०४. तए णं तस्स वरुणस्स नागनत्तुयस्स एगे पियबालवयंसए रहमुसलं संगाम
संगामेमाणे एगेणं पुरिसेणं गाढप्पहारीकए समाणे अत्थामे'२ प्रबले अवीरिए अपूरिसक्कारपरक्कमे ° अधारणिज्जमिति कटु वरुणं नागनत्तुयं रहमुसलामो संगामाग्रो पडिनिक्खममाणं पासइ, पासित्ता तुरए निगिण्हइ, निगिण्हित्ता जहा
वरुणे जाव तुरए विसज्जेति, पडसंथारगं दुरुहइ, दुरुहित्ता पुरत्थाभिमुहे" १. एगंतं (क)।
८. सं० पा०—एवं जहा खंदओ जाव एवं । २. सं० पा०—करयल जाव कट्ट ।
६. भ० ११३८४ । ३. ओ० सू० २१ ।
१०. भ० २।५२। ४. ओ० सू० २१ ।
११. पुव्वि (ता)। ५. पासइ (ता)।
१२. सं० पा०-अत्थामे जाव अधारणिज्जमिति ६. सं० पा०-तत्थगए जाव वंदइ । १३. भ० ७।२०३। ७. भ० ७।३२ ।
१४. सं० पा०-पूरत्थाभिमहे जाव अंजलि ।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |