________________
२६४
भगवई
जीवाणं भंते ! भोगा? अजीवाणं भोगा?
गोयमा ! जीवाणं भोगा, नो अजीवाणं भोगा ।। १३६. कतिविहा णं भंते ! भोगा पण्णता ?
गोयमा ! तिविहा भोगा पण्णत्ता, तं जहा-गंधा, रसा, फासा ।। १३७. कतिविहा णं भंते ! काम-भोगा पण्णत्ता ?
गोयमा ! पंचविहा काम-भोगा पण्णता, तं जहा-सद्दा, रूवा, गंधा, रसा,
फासा॥ १३८. जीवाणं भंते ! कि कामी? भोगी?
गोयमा ! जीवा कामी वि, भोगी वि ।। १३९. से केण?णं भंते ! एवं वुच्चइ-जीवा कामी वि? भोगी वि?
गोयमा ! सोइंदिय-चक्विंदियाइं पडुच्च कामी, घाणिदिय-जिभिदियफासिंदियाइं पडुच्च भोगी। से तेण?णं गोयमा'! •एवं वुच्चइ-जीवा
कामी वि, भोगी वि ॥ १४०. नेरइया णं भंते ! कि कामी ? भोगी ?
एवं चेव जाव' थणियकुमारा ।। १४१. पुढविकाइयाणं-पच्छा
गोयमा ! पुढविकाइया नो कामी, भोगी। १४२. से केण?णं जाव भोगी ?
गोयमा ! फासिदियं पडुच्च । से तेणटेणं जाव भोगी। एवं जाव वणस्सइकाइया । बेइंदिया एवं चेव, नवरं-जिभिदियफासिदियाइं पडुच्च। तेइंदिया
वि एवं चेव, नवरं-घाणिदिय-जिभिदिय-फासिंदियाइं पडुच्च ॥ १४३. चरिदियाणं-पुच्छा।
गोयमा ! चरिदिया कामी वि, भोगी वि ।। १४४. से केण?णं जाव भोगी वि?
गोयमा ! चक्खिदियं पडुच्च कामी, घाणिदिय-जिभिदिय-फासिंदियाई पडुच्च भोगी । से तेण?णं जाव भोगी वि । अवसेसा जहा जीवा जाव वेमा
णिया। १४५. एएसि णं भंते ! जीवाणं 'कामभोगीणं, नोकामीणं, नोभोगीणं, भोगीण' य
कयरे कयरेहितो 'अप्पा वा ? बहुया वा ? तुल्ला वा ? विसेसाहिया वा ?
१. सं० पा०-गोयमा जाव भोगी। २. X (अ); एवं जाव (क, ब, म, स); पू०
प०२।
३. कामीणं भोगीणं नोकामीणं नोभोगीण य
(क, ता)। ४. सं० पा०-कयरेहितो जाव विसेसाहिया।
Jain Education International
For Private & Personal Use Only
www.jainelibrary.org
