________________
सत्तमं सतं (सत्तमो उद्देसो)
२६३
पादपुछणं गेण्हमाणस्स वा निक्खिवमाणस्स वा, तस्स णं भंते ! कि इरियावहिया किरिया कज्जइ ? संपराइया किरिया कज्जइ ? गोयमा ! संवुडस्स णं अणगारस्स आउत्तं गच्छमाणस्स जाव तस्स णं इरियावहिया किरिया कज्जइ, नो संपराइया किरिया कज्जइ ।। सेकेणटेणं भंते ! एवं वच्चइ---संवुडस्स णं अणगारस्स आउत्तं गच्छमाणस्स जाव नो संपराइया, किरिया कज्जइ ? गोयमा ! जस्स णं कोह-माण-माया-लोभा वोच्छिण्णा भवंति, तस्स णं इरियावहिया किरिया कज्जइ', 'जस्स णं कोह-माण-माया-लोभा अवोच्छिण्णा भवंति, तस्स णं संपराइया किरिया कज्जइ । अहासुत्तं रीयमाणस्स इरियावहिया किरिया कज्जइ°, उस्सुत्तं रीयमाणस्स संपराइया किरिया कज्जइ । से णं अहासुत्तमेव रीयइ । से तेण?णं गोयमा ! एवं वुच्चइ-संवुडस्स णं
अणगारस्स पाउत्तं गच्छमाणस्स जाव नो संपराइया किरिया कज्जइ ।। काम-भोग-पदं १२७. रूवी भंते ! कामा ? अरूवो कामा ?
गोयमा ! रूवी कामा, नो अरूवी कामा ।। १२८. सचित्ता भंते ! कामा ? अचित्ता कामा ?
गोयमा ! सचित्ता वि कामा, अचित्ता वि कामा ।। १२९. जीवा भंते ! कामा ? अजीवा कामा ?
गोयमा ! जीवा वि कामा, अजीवा वि कामा ।। १३०. जीवाणं भंते ! कामा? अजीवाणं कामा ?
गोयमा ! जीवाणं कामा, नो अजीवाणं कामा ।। १३१. कतिविहा ण भंते ! कामा पण्णता?
गोयमा ! विहा कामा पण्णत्ता, तं जहा-- सद्दा य, रूवा य ।। १३२. रूवी भंते ! भोगा? अरूवी भोगा?
गोयमा ! रूवी भोगा, नो अरूवी भोगा ।। १३६. सचित्ता भंते ! भोगा? अचित्ता भोगा?
गोयमा ! सचित्ता वि भोगा, अचित्ता वि भोगा । १३४. जीवा भंते ! भोगा? अजीवा भोगा?०
गोयमा ! जीवा वि भोगा, अजीवा वि भोगा ।
१. रिया० (ब)। २. सं० पा०-तहेव जाव उस्सुत्तं । ३. तुलना--भ० ७।२०, २१ ।
४. रूवि (अ, क, ता, ब, म, स)। ५. सं० पा०-भोगा पुच्छा।
Jain Education International
For Private & Personal Use Only
www.jainelibrary.org
