________________
२८०
३८. एवं जाव' चउरिदिया ||
३६. पंचिदियतिरिक्खजोणिया मणुस्सा य जहा जीवा, वाणमंतर - जोइसिय-वेमाणिया जहा नेरइया ||
४०. एएसि णं भंते ! जीवाणं मूलगुणपच्चक्खाणीणं, उत्तरगुणपच्चक्खाणीणं, अपच्चक्खाणीण य कयरे कयरेहितो अप्पा वा ? बहुया वा ? तुल्ला वा ? विसेसाहिया वा ?
o
गोयमा ! सव्वत्थोवा जीवा मूलगुणपच्चक्खाणी, उत्तरगुणपच्चक्खाणी असंखेज्जगुणा, अपच्चवखाणी प्रणतगुणा ||
४१. एएसि णं भंते ! पचिदियतिरिक्खजोणियाणं पुच्छा ।
गोयमा ! सव्वत्थोवा' पंचिदियतिरिक्खजोणिया मूलगुणपच्चक्खाणी, उत्तरगुणपच्चक्खाणी प्रसंखेज्जगुणा, प्रपच्चक्खाणी असंखेज्जगुणा || ४२. एएसि णं भंते ! मणुस्साणं मूलगुणपच्चक्खाणीणं पुच्छा ।
गोयमा ! सव्वत्थोवा मणुस्सा मूलगुणपच्चक्खाणी, उत्तरगुणपच्चक्खाणी संखेज्जगुणा, प्रपच्चक्खाणी असंखेज्जगुणा |
४३. जीवा णं भंते !
किं सव्वमूलगुणपच्चक्खाणी ? देसमूलगुणपच्चक्खाणी ?
पच्चक्खाणी ?
गोयमा ! जीवा सव्वमूलगुणपच्चक्खाणी वि, देसमूलगुणपच्चक्खाणी वि, अपच्चवखाणी वि ॥
४४. नेरइयाणं पुच्छा ।
गोयमा ! नेरइया नो सव्वमूलगुणपच्चक्खाणी, नो देसमूलगुणपच्चक्खाणी, पचक्खाणी ||
४५. एवं जाव' चउरिदिया ||
४६. पंचिदियतिरिक्खजोणियाणं
भगवई
पुच्छा ।
गोयमा ! पंचिदियतिरिक्खजोणिया नो सव्वमूलगुणपच्चक्खाणी, देसमूलगुणपच्चक्खाणी', अपच्चक्खाणी वि ॥
४७. मणुस्सा भंते ! किं सव्वमूलगुणपच्चक्खाणी ? देसमूलगुणपच्चक्खाणी ? अपच्चक्खाणी ?
गोयमा ! मणुस्सा सव्वमूलगुणपच्चक्खाणी वि, देसमूलगुणपच्चक्खाणी वि, पच्चक्खाणी वि ॥
१. ५० प० २ ।
२. सं० पा० - कय रेहिंतो जाव विसेसाहिया । ३. सव्वत्थोवा जीवा ( अ ) ।
Jain Education International
४. पू० प० २ ।
५. ० पच्चक्खाणी वि (क, ता, म, स ) । ६. सं० पा० - मणुस्सा जहा जीवा ।
For Private & Personal Use Only
www.jainelibrary.org
