________________
पंचमं सतं (चउत्थो उद्देसो)
१९९ ६७. से केणटेणं' भंते ! एवं वुच्चइ-केवली णं आरगयं वा, पारगयं वा सव्वदूर
मूलमणंतियं सदं जाणइ०-पासइ ? गोयमा ! केवलीणं पुरत्थिमे णं मियं पि जाणइ, अमियं पि जाणइ । एवं दाहिणे णं, पच्चत्थिमे णं, उत्तरे णं, उड्ढं, अहे मियं पि जाणइ, अमियं पि जाणइ। सव्वं जाणइ केवली, सव्वं पासइ केवली। सव्वओ जाणइ केवली, सव्वो पासइ केवली । सव्वकालं जाणइ केवली, सव्वकालं पासइ केवली। सव्वभावे जाणइ केवली, सव्वभावे पासइ केवली। अणंते नाणे केवलिस्स, अणते दंसणे केवलिस्स । निव्वुडे नाणे केवलिस्स, निव्वुडे दंसणे केवलिस्स। से तेण?ण गोयमा ! एवं वुच्चइ-केवलो णं पारगयं वा, पारगयं वा सव्वदूर-मूलमणंतियं सई
जाणइ°-पासइ ।। छउमत्थ-केवलोरणं हास-पदं ६८. छउमत्थे णं भंते ! मणुस्से हसेज्ज वा ? उस्सुयाएज्ज वा ?
हंता हसेज्ज वा, उस्सुयाएज्ज वा ॥ ६६. जहा णं भंते ! छउमत्थे मणुस्से हसेज्ज वा, उस्सुयाएज्ज वा, तहा णं केवली
विहसेज्ज वा ! उस्सूयाएज्ज वा!
गोयमा ! णो इण? सम? ।। ७०. से केणट्रेणं भंते ! एवं बच्चइ-जहा णं छउमत्थे मणुस्से हसेज्ज वा, उस्सुया
एज्ज वा°, नो णं तहा केवली हसेज्ज वा ? उस्सुयाएज्ज वा ? गोयमा ! जं णं जीवा चरित्तमोहणिज्जस्स कम्मस्स उदएणं हसंति वा, उस्सुयायंति वा। से णं केवलिस्स नत्थि। से तेण?णं 'गोयमा ! एवं वच्चइ-जहा णं छउमत्थे मणुस्से हसेज्ज वा, उस्सुयाएज्ज वा°, नो णं तहा
केवली हसेज्ज वा, उस्सुयाएज्ज वा ॥ ७१. जीवे णं भंते ! हसमाणे वा, उस्सुयमाणे वा कई कम्मपगडीओ बंधइ ?
गोयमा ! सत्तविहबंधए वा, अट्ठविहबंधए वा। एवं जाव' वेमाणिए ।
पोहत्तएहिं जीवेगिदियवज्जो तियभंगो।। १. सं० पा०-तं चेव केवलीणं आरगयं वा ४. सं० पा.-केणटेणं जाव नो। पारागयं वा जाव पासइ ।
५. सं० पा० तेणटेणं जाव नो। २. वाचनान्तरे तु 'निव्वुडे वितिमिरे विसुद्धे' त्ति ६. कति (क, ब, म)।
विशेषणत्रयं ज्ञानदर्शनयोरधीयते (व)। ७. पू०प०२। ३. सं० पा०-तेरण?णं जाव पासइ । ८. वेमाणिए नेरइया रणं भंते ! हसमाणा कइ०
Jain Education International
For Private & Personal Use Only
www.jainelibrary.org
