________________
भगवर
हंता गोयमा ! छउमत्थे णं मणुस्से आउडिज्जमाणाई सद्दाई सुणेइ, तं जहासंखसद्दाणि वा जाव झुसिराणि वा। ताइं भंते ! किं पुट्ठाइं सुणेइ ? अपुट्ठाई सुणेइ ? गोयमा ! पुढाइं सुणेइ, नो अपुट्ठाइं सुणेइ । 'जाइं भंते ! पुढाइं सुणेइ ताई कि प्रोगाढाई सुणेइ ? अणोगाढाई सुणेइ ? गोयमा ! प्रोगाढाइं सुणेइ, नो अणोगाढाइं सुणेइ। . जाइं भंते ! ओगाढाइं सुणेइ ताइं कि अणंतरोगाढाइ सुणेइ ? परंपरोगाढाई सुणेइ ? गोयमा ! अणंतरोगाढाई सुणेइ, नो परंपरोगाढाइं सुणेइ । जाइं भंते ! अणंतरोगाढाइं सुणेइ ताइं कि अणूई सुणेइ ? बादराई सुणेइ ? गोयमा ! अणूइं पि सुणेइ, बादराई पि सुणेइ । जाइं भंते ! अणूई पि सुणेइ बादराई पि सुणेइ ताइं कि उड्ढं सुणेइ ? अहे सुणेइ ? तिरियं सुणेइ ? गोयमा ! उड्ढं पि सुणेइ, अहे वि सुणेइ, तिरियं पि सुणेइ । जाइं भंते ! उड्ढं पि सुणे इ अहे वि सुणेइ तिरियं पि सुणेइ ताइं कि आई सुणेइ ? मज्झे सुणेइ ? पज्जवसाणे सुणेइ ? गोयमा ! आई पि सुणेइ, मज्झे पि सुणेइ, पज्जवसाणे वि सुणेइ । जाइं भंते ! आई पि सुणेइ मज्झे वि सुणेइ पज्जवसाणे वि सुणेइ ताइं कि सविसए सुणेइ ? अविसए सुणेइ ? गोयमा ! सविसए सुणेइ, नो अविसए सुणेइ । जाइं भंते ! सविसए सुणेइ ताइं कि आणुपुव्विं सुणेइ ? अणाणुपुब्बिं सुणेइ ? गोयमा ! आणुपुव्विं सुणेइ, नो अणाणुपुन्वि सुणेइ । जाइं भंते ! आणुपुब्बि सुणेइ ताई किं तिदिसि सुणेइ जाव छद्दिसि सुणेइ ?
गोयमा ! ० नियमा छद्दिसि सुणेइ ॥ ६५. छउमत्थे णं भंते ! मणूसे कि पारगयाइं सद्दाइं सुणेइ ? पारगयाइं सद्दाइं
सुणेइ ?
गोयमा ! आरगयाइं सद्दाइं सुणेइ, नो पारगयाइं सद्दाइं सुणेइ ॥ ६६. जहा णं भंते ! छउमत्थे मणूसे पारगयाइं सद्दाई सुणेइ, नो पारगयाइं सद्दाई
सुणेइ, तहा णं केवली कि पारगयाइं सद्दाइं सुणेइ ? पारगयाई सद्दाइं सुणेइ ? गोयमा ! केवली णं पारगयं वा, पारगयं वा सव्वदूर-मूलमणंतियं सदं जाणइ-पासइ ।।
१. सं० पा०-सुणेइ जाव नियमा।
२. ण भंते ! (स)।
Jain Education International
For Private & Personal Use Only
www.jainelibrary.org
