________________
१९४
भगवई ४६. से भंते ! कि ससरीरी निक्खमइ ? असरीरी निक्खमइ ?
गोयमा ! सिय ससरीरी निक्खमइ, सिय असरीरी निक्खमइ ।। ५०. से केणद्वेणं भंते ! एवं वुच्चइ-सिय ससरीरी निक्खमइ ? सिय असरीरी
निक्खमइ ? गोयमा ! वाउयायस्स णं चत्तारि सरीरया पण्णत्ता, तं जहा-ओरालिए वेउव्विए तेयए कम्मए। ओरालिय-वेउव्वियाइं विप्पजहाय तेयय-कम्मएहिं निक्खमइ । से तेणट्टेणं गोयमा ! एवं वुच्चइ-सिय ससरीरी निक्खमइ, सिय
असरीरी निक्खमइ° ।। प्रोदणादणं किसरीरत्त-पदं । ५१. अह णं भंते ! अोदणे, कुम्मासे, सुरा-एए णं किसरीरा ति वत्तव्वं सिया ?
गोयमा ! प्रोदणे, कुम्मासे, सुराए य जे घणे दव्वे-एए णं पुव्वभावपण्णवणं पडुच्च वणस्सइजीवसरीरा। तो पच्छा सत्थातीया, सत्थपरिणामिया, अगणिज्झामिया, अगणिभूसिया', अगणिपरिणामिया अगणिजीवसरीरा ति वत्तव्वं सिया। सुराए य जे दवे दव्वे-एए णं पुव्वभावपण्णवणं पडुच्च आउजीव
सरीरा । तो पच्छा सत्थातीया जाव अगणिजीवसरीरा' ति वत्तव्वं सिया ॥ ५२. अह णं भंते ! अये, तंबे, तउए, सीसए, उवले, कसट्टिया-एए णं किंसरीरा ति
वत्तव्यं सिया ? गोयमा ? अये, तंबे, तउए, सीसए, उवले, कसट्टिया-एए णं पुव्वभावपण्णवणं पडुच्च पुढवी जीवसरीरा । तो पच्छा सत्थातीया जाव' अगणिजीवसरीरा ति
वत्तव्वं सिया ॥ ५३. अह णं भंते ! अट्ठी, अट्ठिज्झामे, चम्मे, चम्मज्झामे, रोमे, रोमज्झामे, सिंगे,
सिंगज्झामे, खुरे, खुरज्झामे, नखे, नखज्झामे - एए णं किसरीरा ति वत्तव्वं सिया? गोयमा ! अट्ठी, चम्मे, रोमे, सिंगे, खुरे, नखे ---एए णं तसपाणजीवसरीरा। अद्विज्झामे, चम्मज्झामे, रोमज्झामे, 'सिंगज्झामे, खरज्झामे, नखज्झामे एए णं पुव्वभावपण्णवणं पडुच्च तसपाणजीवसरीरा । तो पच्छा सत्थातीया जाव' 'अगणिजीवसरीरा ति वत्तव्वं सिया ।।
१. झूसिया अगणिसेविया (अ, स) । वृत्तौ ३. भ० ५।५१ ।
अगणिभूसिया इति पदस्य अग्निना सेवितानि ४. सिंग-खुर-नखज्झामे (अ, ता, स)। वा इति वैकल्पिकोर्थः आसीत् सएव केषुचित् ५. भ० ५।५१ ।
उत्तरवादशेषु मूलपाठरूपेण स्वीकृतोभूत्। ६. अगणि त्ति (अ, स)। २. अगणिकायसरीरा (स)।
Jain Education International
For Private & Personal Use Only
www.jainelibrary.org
