________________
१४२
भगवई
बीओ उद्देसो ७७. तेणं कालेणं तेणं समएणं रायगिहे नाम नगरे होत्था जाव' परिसा पज्जुवासइ ॥ ७८. तेणं कालेणं तेणं समएणं चमरे असुरिदे असुरराया चमरचंचाए रायहाणीए,
सभाए सुहम्माए, चमरंसि सीहासणंसि, चउसट्ठीए सामाणियसाहसहिं जाव'
नट्टविहि उवदंसेत्ता जामेव दिसि पाउब्भए तामेव दिसि पडिगए ।। ७९. भंतेति ! भगवं गोयमे समणं भगवं महावीरं वंदइ नमसइ, वंदित्ता नमंसित्ता
एवं वयासी-अत्थि णं भंते ! इमीसे रयणप्पभाए पुढवीए अहे असुरकुमारा देवा परिवसंति ?
गोयमा ! णो इणढे समढें । ८०. एवं जाव अहेसत्तमाए पुढवीए, सोहम्मस्स कप्पस्स अहे जाव' अत्थि णं भंते !
ईसिप्पन्भाराए पुढवीए अहे असुरकुमारा देवा परिवसंति ?
णो इणढे समतु॥ ८१. से कहि खाइ णं भंते ! असुरकुमारा देवा परिवसंति ?
गोयमा ! इमीसे रयणप्पभाए पुढवीए असीतुत्तरजोयणसयसहस्सबाहल्लाए एवं
असुरकुमारदेववत्तव्वया जाव' दिव्वाइं भोगभोगाइं भंजमाणा विहरंति ॥ ८२. अत्थि णं भंते ! असुरकुमाराणं देवाणं अहे गतिविसए ?
हंता अस्थि ॥ ८३. केवतियण्णं भंते ! असुरकुमाराणं देवाणं अहे गतिविसए पण्णत्ते ?
गोयमा ? जाव अहेसत्तमाए पुढवोए । तच्चं पुण पुढवि गया य गमिस्संति य ।। ८४. किंपत्तियण्णं भंते ! असुरकुमारा देवा तच्चं पुढवि गया य गमिस्संति य ?
गोयमा ! पुव्ववेरियस्स वा वेदणउदी रणयाए, पुव्वसंगतियस्स वा वेदणउवसाम
णयाए–एवं खलु असुरकुमारा देवा तच्चं पुढवि गया य गमिस्संति य ।। ८५. अत्थि णं भंते ? असुरकुमाराणं देवाणं तिरियं गतिविसए पण्णत्ते ?
हंता अत्थि॥ ८६. केवतियण्णं भंते ! असुरकुमाराणं देवाणं तिरियं गतिविसए पण्णत्ते ?
गोयमा ! जाव असंखेज्जा दीव-समुद्दा, नंदिस्सरवरं पुण दीवं गया य गमिस्संति य ।। ८७. किंपत्तियण्णं भंते ! असुरकुमारा देवा नंदिस्सरवरं दीवं गया य गमिस्संति य ?
१. ओ० सू०१६-५२। २. राय० सू० ७-१२० । ३. दिसं (ता, ब, म, स)। ४. अ० सू० २८७ । ५. अ० सू० २८७।
६. असीउत्तर (अ, ब, म, स)। ७. प०२। ८. केवतियं णं (स)। है. किंपत्तिय रणं (अ, ता, ब, म)।
Jain Education International
For Private & Personal Use Only
www.jainelibrary.org
