________________
तइयं सतं (पढमो उद्देसो)
१४१ ट्टिी, नो मिच्छदिट्ठी। परित्तसंसारिए, नो अणंतसंसारिए। सुलभबोहिए, नो
दुल्लभबोहिए। पाराहए, नो विराहए । चरिमे, नो अचरिमे ।। ७३. से केणतुणं भंते !
गोयमा ! सणंकुमारे णं देविदे देवराया बहूणं समणागं बहूणं समणीणं बहूणं सावयाणं बहूणं सावियाणं हियकामए सुहकामए पत्थकामए आणुकंपिए निस्सेयसिए हिय-सुह-निस्सेसकामए । से तेणटेणं गोयमा ! सणंकुमारे णं देविंदे देवराया भवसिद्धिए', 'नो अभवसिदिए। सम्मद्दिट्ठी, नो मिच्छदिट्ठी । परित्तसंसारिए, नो अगंतसंसारिए । सुलभबोहिए, नो दुल्लभबोहिए। पाराहए,
नो विराहए । चरिमे°, नो अचरिमे ।। ७४. सणंकुमारस्स णं भंते ! देविंदस्स देवरण्णो केवइयं कालं ठिती पण्णत्ता ?
गोयमा ! सत्त सागरोवमाणि ठिती पण्णत्ता ॥ ७५. से णं भंते ! तारो देवलोगारो आउक्खएणं' •भवक्खएणं ठिइक्खएणं अणंतरं
चयं चइत्ता कहि गच्छिहिइ° ? कहिं उववज्जिहिइ ? गोयमा ! महाविदेहे वासे सिज्झिहिति' 'बुज्झिहिति मुच्चिहिति परिणिवाहिति
सव्वदुक्खाणं° अंतं करेहिति ।। ७६. सेवं भंते ! सेवं भंते । संगहणी-गाहा
छट्टममासो, अद्धमासो वासाइं अट्ठ छम्मासा । तीसग-कुरुदत्ताणं, तव-भत्तपरिण-परियारो ॥१॥ उच्चत्त विमाणाणं, पाउन्भव पेच्छणा य संलावे । किच्च विवादुप्पत्ती, सणंकुमारे य भवियत्तं ।।२।।
१. सं० पा०-भवसिद्धिए जाव नो। २. सं० पा०-याउक्खएणं जाव कहिं । ३. सं० पा०—सिज्झिहिति जाव अंतं । ४. भ० ११५१ ।
५. भवियव्वं (ता); अतोने सर्वेष्वादशेषु 'मोया
सम्मत्ता' इति पाठोस्ति, वृतिकृतापि व्याख्यातोसौ, किन्तु मोया-प्रकरणं तामलितापसप्रकरणात् पूर्वमेव समाप्तम्, तेन नावश्यकोसौपाठः।
Jain Education International
For Private & Personal Use Only
www.jainelibrary.org
