Page Text
________________
तइयं सतं ( पढमो उद्देसो)
१३१
पासति, पासित्ता तं कूडागारसालं तो अणुपविसित्ताणं चिट्ठइ । से तेणणं गोयमा ! एवं वुच्चति — सरीरं गते, सरीरं प्रणुपविट्ठे ॥
३०. ईसाणेणं भंते ! देविदेणं देवरण्णा सा दिव्वा देविड्ढो दिव्वा देवज्जुती दिव्वे देवाणुभागे किण्णा लद्धे ? किण्णा पत्ते ? किण्णा अभिसमण्णागए ? के वा एस ग्रासि पुव्वभवे ? किंनामए वा ? किंगोत्ते वा ? कयरंसि वा गामंसि वा नगरंसि वा जाव' सण्णवेसंसि वा ? किं वा दच्चा ? किं वा भोच्चा ? किं वा किच्चा ? किं वा समायरित्ता ? कस्स वा तहारूवस्स समणस्स वा माहणस्स वातिए गमविप्ररियं धम्मियं सुवयणं सोच्चा निसम्म ? जं णं ईसाणेणं देविदेणं देवरण्णा सा दिव्वा देविड्ढी दिव्वा देवज्जुती दिव्वे देवाणुभागे लद्धे पत्ते अभिसमण्णागए ?
३१. एवं खलु गोयमा ! तेणं कालेणं तेणं समएणं इहेव जंबुद्दीवे दीवे भारहे वासे तामलित्ती' नाम नयरी होत्था - वण्णो ॥
३२. तत्थ णं तामलित्तीए नयरीए तामली नाम मोरियपुत्ते गाहावई होत्था - प्रड्ढे दत्ते जाव' बहुजणस्स परिभू यावि होत्था ॥
३३. तए णं तस्स मोरियपुत्तस्स तामलिस्स गाहावइस्स प्रण्णया कयाइ पुव्वरत्तावरत्तकालसमयंसि कुटुंबजागरियं जागरमाणस्स इमेयारूवे प्रभथिए चितिए पत्थिए मणोगए संकष्पे° समुप्पज्जित्था - प्रत्थि ता मे पुरा पोराणाणं सुचिण्णाणं सुपरक्ताणं सुभाणं कल्लाणाणं कडाणं कम्माणं कल्लाणफलवित्तिविसेसे, जेणाहं हिरणं वदामि सुवण्णेणं वड्ढामि, धणेणं वड्ढामि, धण्णेणं वड्ढामि, पुतेहि वड्ढा, पसूहि वड्ढामि विपुलधण - कणग- रयण-मणि-मोत्तिय संख-सिल-प्पवालरत्तरयण-संतसारसाव एज्जेणं अतीव प्रतीव ग्रभिवड्ढामि तं किं णं ग्रहं पुरा पोराणाणं सुचिण्णाणं' सुपरक्कंताणं सुभाणं कल्लाणाणं • कडाणं कम्माणं "एगंतसो खयं " उवेहमाणे विहरामि ?
तंजावताव" ग्रहं हिरण्णेणं वड्ढामि जाव अतीव प्रतीव अभिवड्ढामि, जावं च मे मित्त-नाति - नियग-सयण-संबंधि-परियणो प्राढाति परियाणाई सक्कारेइ सम्माणेइ कल्लाणं मंगलं देवयं विणएणं चेइयं पज्जुवासइ, तावता मे सेयं कल्लं पाउपभायाए रयणीए जाव" उट्ठियम्मि सूरे सहस्सरस्सिम्मि दिणयरे तेयसा
१. भ० १४६ ।
२. वा किं वा सोच्चा ( क ) ।
३. तामलत्ती (म) ।
४. ओ०
सू० १ ।
५. भ० २।६४ ।
३. सं० पा० – अज्झत्यिए जाव समुप्पज्जित्था । ११.
७. सुपरि० ( अ, म); सुप्पर० (क, ता, स ) ; सुपरि० (ब) 1
८. सं० पा० – सुचिण्णाण जाव कडारणं । ९. ० सोक्खयं ( अ, क, ब, म, स) । १०. जाव ( ब ) |
भ० २।६६ ।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |