Page Text
________________
१३०
भगवई
२३. एवं माहिंदे वि, नवरं-सातिरेगे चत्तारि केवलकप्पे जंबुद्दीवे दीवे ।
एवं बंभलोए वि, नवरं-अट्ठ केवलकप्पे । एवं लंतए वि, नवरं-सातिरेगे अट्ट केवलकप्पे । महासुक्के सोलस केवलकप्पे । सहस्सारे सातिरेगे सोलस । एवं पाणए वि, नवरं-बत्तीसं केवलकप्पे ।
एवं अच्चुए वि, नवरं-सातिरेगे बत्तीसं केवलकप्पे जंबुद्दीवे दीवे, अण्णं तं चेव ॥ २४. सेवं भंते ! सेवं भंते ! त्ति तच्चे गोयमे वायुभूई अणगारे समणं भगवं महावीर
वंदइ नमसइ जाव' विहरइ ॥ तामलिस्स ईसाणिद-पदं २५. तए णं समणे भगवं महावीरे अण्णया कयाइ मोयानो' नयरीमो नंदणाम्रो चेइयायो
पडिनिक्खमइ, पडिनिक्खमित्ता बहिया जणवयविहारं विहरइ ॥ २६. तेणं कालेणं तेणं समएणं रायगिहे नामं नगरे होत्था–वण्णो ' जाव' परिसा
पज्जुवासइ ॥ २७. तेणं कालेणं तेणं समएणं ईसाणे देविदे देवराया' ईसाणे कप्पे ईसाणवडेंसए विमाणे
जहेव रायप्पसेणइज्जे जाव' दिव्वं देविड्ढि दिव्वं देवजुति दिव्वं देवाणुभागं दिव्वं
बत्तीसइबद्धं नट्टविहिं उवदंसित्ता जाव जामेव दिसि पाउब्भूए, तामेव दिसि पडिगए। २८. भंतेति ! भगवं गोयमे समणं भगवं महावीरं वंदइ नमसइ, वंदित्ता नमंसित्ता।
एवं वदासी-अहो णं भंते ! ईसाणे देविदे देवराया महिड्ढीए जाव' महाणुभागे। ईसाणस्स णं भंते ! सा दिव्वा देविड्ढी दिव्वा देवज्जुती दिव्वे देवाणुभागे कहिं गते ? कहिं अणुपविद्वे ?
गोयमा ! सरीरं गते, सरीरं अणुपवितु ॥ २६. से केण?णं भंते ! एवं वुच्चइ-सरीरं गते ! सरीरं अणुपविट्ठे ?
गोयमा ! से जहानामए कूडागारसाला सिया दुहनो लित्ता गुत्ता गुत्तदुवारा णिवाया णिवायगंभीरा । तीसे णं 'कूडागारसालाए अदूरसामंते, एत्थ णं महेगे जणसमूहे एगं महं अब्भवद्दलगं वा वासवद्दलगं वा महावायं वा एज्जमाणं
१. भ० ११५१।
नवहेमचारूचित्तचंचलकुंडलविलिहिज्जमाण२. मोतातो (क, ता)।
गंडे जाव दस दिसाओ उज्जोवेमारणे पभासे३. ओ० सू० १।
मारणे (अ, म, स)। ४. ओ० सू० १६-५२ ।
६. राय० सू० ७-१२० । ५. देवराया सूलपाणी वसभवाहणे उत्तरड्ढलो- ७. भ० ३।४ ।
गाहिवई अट्ठावीसविमाणावाससयसहस्साहि- ८. सं० पा०-कूडागारसालदिट्ठतो भाणियब्वो। वई अरयंबर वत्थधरे आलइयमालमउडे
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |