Page Text
________________
बीअं सतं (पढमो उद्देसो)
अहासुहं देवाणुप्पिया ! मा पडिबंधं ॥ ५८. तए णं से खंदए अणगारे समणेणं भगवया महावीरेणं अब्भणुण्णाए समाणे हठे
जाव नमंसित्ता मासियं भिक्खुपडिमं उवसंपज्जित्ता णं विहरइ। ५६. तए णं से खंदए अणगारे मासियं भिक्खुपडिम अहासुत्तं अहाकप्पं अहामग्गं
अहातच्चं अहासम्म सम्म काएण फासेइ पालेइ सोभेइ तोरेइ पूरेइ किट्रेइ अणपालेइ आणाए पाराहेइ, सम्म काएण फासेत्ता' •पालेत्ता सोभेत्ता तोरेत्ता पूरेत्ता कित्ता अणपालेत्ता आणाए° पाराहेत्ता जेणेव समणे भगवं महावीरे तेणेव उवागच्छइ, उवागच्छित्ता समणं भगवं' 'महावीरं वंदइ नमसइ, वंदित्ता नमसित्ता एवं वयासी-इच्छामि णं भंते ! तुब्भेहिं अब्भणुण्णाए समाणे दोमासियं भिक्खुपडिम उवसंपज्जित्ता णं विहरित्तए। - अहासूहं देवाणुप्पिया ! मा पडिबधं । तं चेव ।। ६०. एवं तेमासियं, चउम्मासियं, पंचमासियं, छम्मासियं, सत्तमासियं, पढमसत्तरा
तिदियं, दोच्चसत्तरातिदियं, तच्चसत्तरातिदियं, रातिदियं', एगरातियं । ६१. तए णं से खंदए अणगारे एगरातियं भिक्खुपडिम अहासुत्तं जाव पाराहेत्ता जेणेव
समणे भगवं महावीरे तेणेव उवागच्छइ, उवागच्छित्ता समणं भगवं महावीर •वंदइ नमसइ, वंदित्ता नमंसित्ता एवं वयासी- इच्छामि णं भंते ! तब्भेहि अब्भणण्णाए समाणे गणरयणसंवच्छरं तवोकम्मउवसंपज्जित्ता णं विहरित्तए।
या ! मा पडिबंधं ।। ६२. तए णं से खंदए अणगारे समणेणं भगवया महावीरेणं अब्भणुण्णाए समाणे हट्ठ
तुठे जाव नमंसित्ता गुणरयणसंवच्छरं तवोकम्मं उवसंपज्जित्ता णं विहरति, तं जहा--- पढमं मासं चउत्थंचउत्थेणं अणिक्खित्तेणं तवोकम्मेणं दिया ठाणुक्कुडुए सूराभिमुहे आयावणभूमीए पायावेमाणे, रत्ति वीरासणेणं अवाउडेण य । दोच्चं मासं छठेछट्टेणं अणिक्खित्तेणं तवोकम्मेणं दिया ठाणुक्कुडुए सूराभिमुहे पायावणभूमीए पायावेमाणे, रत्ति वीरासणेणं अवाउडेण य ।
१. भ० २०५२। २. x (ता, म, वृ); समं (म, स); स्थानाङ्गे
(७१३) 'अहासम्म' इति पदं नास्ति, केवलं 'सम्म' वर्तते। ३. सं० पा०-फासेत्ता जाव आराहेत्ता । ४. सं० पा०-भगवं जाव नमंसित्ता। ५. भ० २१५८, ५६ । चेव एवं दोमासियं
(अ, क, ता, ब, म, स)। ६. भ० २।५८-५९ । ७. अहोरातिदियं (अ, ता, म, स)। ८. एगरातिदियं (अ, क, म, स)। ६. भ० २१५६ । १०. सं० पा०-महावीरं जाव नमंसित्ता। ११. गुणरयणं (क, ता, म, स)। १२. भ० २।५२ ।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |