Page Text
________________
भगवई
होवसग्गा फुसतु त्ति कटु एस मे' नित्थारिए समाणे परलोयस्स हियाए सुहाए खमाए नीसेसाए प्राणुगामियत्ताए भविस्सइ । तं इच्छामि णं देवाणप्पिया ! सयमेव पव्वावियं, सयमेव मंडावियं, सयमेव सेहावियं, सयमेव सिक्खावियं, सयमेव आयार-गोयरं विणय-वेणइय-चरण
करण-जायामायावत्तियं धम्ममाइक्खियं ।। (३. तए णं समणे भगवं महावीरे खंदयं कच्चायणसगोत्तं स यमेव पव्वावेइ, सयमेव
मुंडावेइ, सयमेव सेहावेइ, सयमेव सिक्खावेइ, सयमेव आयार-गोयरं विण यवेणइय-चरण-करण-जायामायावत्तियं° धम्म माइक्खइ-एवं देवाणुप्पिया ! गंतव्वं, एवं चिट्ठियव्वं, एवं निसीइयव्वं, एवं तुयट्टियव्वं, एवं भुजियव्वं, एवं भासियव्वं, एवं उट्ठाय-उट्ठाय पाणेहिं भूएहिं जीवेहि सत्तेहिं संजमेणं
संजमियव्वं, अस्सि च णं अटठे णो किंचि विपमाइयव्वं ।। ५४. तए णं से खंदए कच्चायणसगोत्ते समणस्स भगवनो महावीरस्स इमं एयारूवं
धम्मियं उवएसं सम्म संपडिवज्जइ-तमाणाए तह गच्छइ, तह चिट्ठइ, तह निसीयइ, तह तुयट्टइ, तह भुजइ, तह भासइ, तह उट्ठाय-उट्ठाय पाणेहि भूएहि
जीवेहिं सत्तेहिं संजमेणं संजमेइ, अस्सि च णं अह्र णो पमायइ ।। ५५. तए णं से खंदए कच्चायणसगोत्ते अणगारे जाते--इरियासमिए भासासमिए
एसणासमिए पायाणभंडमत्तनिक्खेवणासमिए उच्चार-पासवण-खेल-सिंघाणजल्ल-पारिद्वावणियासमिए मणसमिए वइसमिए कायसमिए मणगुत्ते वइगुत्ते कायगुत्ते गुत्ते गुत्तिदिए गुत्तबंभयारी चाई लज्जू धन्ने खंतिखमे जिइंदिए सोहिए अनियाणे अप्पुस्सुए अबहिल्लेसे सुसामण्णरए दंते इणमेव निग्गंथं पावयणं पुरो
काउं विहरइ।। ५६. तए णं समणे भगवं महावीरे कयंगलायो नयरीनो छत्तपलासाप्रो चेइयानो पडि
निक्खमइ, पडिनिक्खमित्ता बहिया जणवयविहारं विहरइ॥ ५७. तए णं से खंदए अणगारे समणस्स भगवनो महावीरस्स तहारूवाणं थेराणं अंतिए
सामाइयमाइयाई एक्कारस अंगाई अहिज्जइ, अहिज्जित्ता जेणेव समणे भगवं महावीरे तेणेव उवागच्छइ, उवाग च्छित्ता समणं भगवं महावीरं वंदइ नमसइ, वंदित्ता नमंसित्ता एवं वदासी-इच्छामि णं भंते ! तुब्भेहिं अब्भणुण्णाए समाणे मासियं भिक्खुपडिमं उवसंपज्जित्ता णं विहरित्तए।
१. परिस्सहो० (ता, म)।
६. X (अ, ब, स)। २. x (अ, क, ता, ब, म)।
७. वय° (अ)। ३. वित्तियं धुवं (क); वित्तियं (ता,म,स)। ८. लज्ज (अ, ब)। ४. सं० पा०—पवावेइ जाव धम्म । ६. सामाइगमादियाति (क, ब); सामातिय५. ° माइक्खाइ (अ, ता, ब, स)।
मातियाइं (स)।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |