Page Text
________________
बसतं ( पढमो उद्देसो)
८५.
'एवं खलु समणे भगवं महावीरे कयंगलाए नयरीए बहिया छत्तपलासए चेइए संजमेणं तवसा अप्पाणं भावेमाणे विहरइ । तं गच्छामि णं समणं भगवं महावीरं वंदामि नम॑सामि" । सेयं खलु मे समणं भगवं महावीरं वंदित्ता, नमसित्ता सक्कारेत्ता सम्मणेत्ता कल्लाणं मंगलं देवयं चेइयं पज्जुवासित्ता इमाई च णं एयारूवाइं अट्ठाई हेऊइं परिणाइं कारणाई' वागरणाई पुच्छित्तए त्ति कट्टु एवं संपेहेइ, संपेहेत्ता जेणेव परिव्वायगावसह तेणेव उवागच्छइ, उवागच्छित्ता तिदंड च कुंडियं च कंचणियं च करोडियं च भिसियं च केसरियं च छण्णालयं च अंकुसयं च पवित्तयं च गणेत्तियं च छत्तयं च वाहणाओ' य पाउयाओ' य धाउरताय गेहइ, गेव्हित्ता परिव्वायावसहाओ पडिनिक्खमइ, पडिनिक्खमित्ता तिदंड - कुंडिय-कंचणिय-करोडिय - भिसिय- केसरिय छण्णालय- अंकुसय पवित्तय-गणेत्तियहत्थगए, छत्तोवाहणसंजुत्ते, धाउरत्तवत्थपरिहिए सावत्थीए नयरीए मज्भंमज्भेणं निग्गच्छर, निग्गच्छित्ता जेणेव कयंगला नगरी, जेणेव छत्तपलासए चेइए, जेणेव समणे भगवं महावीरे, तेणेव पहारेत्थ गमणाए ।
३२. गोयमाइ ! समणे भगवं महावीरे भगवं गोयमं एवं वयासीदच्छसि णं गोयमा ! पुव्वसंगइयं ।
भंते ! ?
खंदयं नाम ।
से काहे वा ? किह वा ? केवच्चिरेण वा ?
३३. एवं खलु गोयमा ! तेणं कालेणं तेणं समएणं सावत्थी नामं नगरी होत्थावण्ण" । तत्थ णं सावत्थीए नयरीए गद्दभालस्स अंतेवासी खंदए नामं कच्चायणसगोते परिव्वायए परिवसइ । तं चेव जाव" जेणेव ममं अंतिए, तेणेव पहारेत्थ गमणाए । से अदूरागते" बहुसंपत्ते श्रद्धाणपडिवण्णे अंतरा पहे वट्टइ । ग्रज्जेव णं दच्छिसि गोयमा !
३४. भंतेति ! भगवं गोयमे समणं भगवं महावीरं वंदइ नमसइ, वंदित्ता नमसित्ता एवं वदासी --पहूणं भंते ! खंदए कच्चायणसगोत्ते देवाणुप्पियाणं अंतिए मुंडे
१. X ( क, ता, व ) ।
२. X ( अ, ब, म ) ।
३. छहालयं (ता) ।
४. पवित्तियं (क) ।
५. पाहणा (ता) ।
६. ओवाइय ( सू० ११७) सूत्रे 'पाउयाओ' इति पदं नास्ति, प्रस्तुतप्रकरणे पि किंचिदग्रे 'छत्तोवाहरणसंजुत्त' इत्यत्रापि तन्नास्ति ।
Jain Education International
७. ० वाराह ( क ) 1
०दि (क, ता, म) |
८.
६. कंत ( अ, क, ता) ।
१०. ओ० सू० १ ।
११. भ० २।२५ ३१ ।
१२. अदूराइते ( क ) ; अदूरियाते (व) 1 १३. दिच्छसि (अ स ) ; दच्छसि (म) |
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |