Page Text
________________ 84 भगवई 1. किं सते लोए ? 'अणते लोए ? 2. सनंते जीवे ? अणंते जीवे ? 3. सग्रंता सिद्धी ? अणंता सिद्धी ? 4. सग्रंत सिद्धे ? अणते सिद्धे ? ' 5. केण वा मरणेणं मरमाणे जीवे वड्ढति वा, हायति वा ?-एतावताव प्राइक्खाहि वुच्चमाणे एवं / / 26. तए णं से खंदए कच्चायणसगोत्ते पिंगलएणं नियंठेणं वेसालियसावएणं दोच्चं पि तच्चं पि इणमक्खेवं पच्छिए समाणे संकिए कंखिए वितिगिच्छिए भेदसमावन्ने कलुससमावन्ने णो संचाएइ पिंगलस्स नियंठस्स वेसालियसावयस्स किंचि वि पमोक्खमक्खाइउं, तुसिणीए संचिट्ठइ / / 30. तए णं सावत्थीए नयरीए सिंघाडग'-'तिग-चउक्क-चच्चर-चउम्मुह-महापह° . पहेसु महया जणसंमद्दे इ वा जणवूहे इ वा 'जणबोले इ वा जणकलकले इ वा जणुम्मी इ वा जणुक्कलिया इ वा जणसण्णिवाए इ वा बहुजणो अण्णमण्णस्स एवमाइक्खइ, एवं भासेइ, एवं पण्णवेइ, एवं परूवेइएवं खलु देवाणुप्पिया ! समणे भगवं महावीरे प्राइगरे जाव सिद्धिगतिनामधेयं ठाणं संपाविउकामे पुव्वाणुपुव्विं चरमाणे गामाणुगामं दूइज्जमाणे इहमागए इहसंपत्ते इहसमोसढे इहेव कयंगलाए नयरीए बहिया छत्तपलासए चेइए अहापडिरूवं प्रोग्गहं अोगिण्हित्ता संजमेणं तवसा अप्पाणं भावेमाणे विहरइ। तं महप्फलं खलु भो देवाणुप्पिया ! तहारूवाणं अरहंताणं भगवंताणं नामगोयस्सवि सवणयाए, किमंग पुण अभिगमण-वंदण-नमंसण-पडिपुच्छण-पज्जुवासणयाए? एगस्सवि पारियरस धम्मियस्स सुवयणस्स सवणयाए, किमंग पूण विउलस्स अट्ठस्स गहणयाए ? तं गच्छामो णं देवाणुप्पिया ! समणं भगवं महावीरं वंदामो नमसामो सक्कारेमो सम्माणेमो कल्लाणं मंगल देवयं चेइयं पज्जुवासामो। एयं णे पेच्चभवे इयभवे य हियाए सुहाए खमाए निस्सेयसाए प्राणुगामियत्ताए भविस्सइ त्ति कटु बहवे उग्गा उग्गपुत्ता भोगा भोगपुत्ता एवं दुप्पडोयारेणं-राइण्णा खत्तिया माहणा भडा जोहा पसत्थारो मल्लई लेच्छई लेच्छईपुत्ता, अण्णे य बहवे राईसर-तलवर-माडंबिय-कोडुंबिय-इब्भ-सेट्ठि-सेणावइ-सत्थवाहप्पभितो जाव महया उक्किट्ठसीहनाय-बोल-कलकलरवेणं पक्खुभियमहासमु दर वभूयं पिव करेमाणा सावत्थीए नयरीए मझमझेणं निग्गच्छति // 31. तए णं तस्स खंदयस्स कच्चायणसगोत्तस्स बहुजणस्स अंतिए एयमटुं सोच्चा निसम्म इमेयारूवे अज्झत्थिए चितिए पत्थिए मणोगए संकप्पे समुप्पज्जित्था 1. सं० पा०-लोए जाव केण / 2, 0 गिछिए (अ)। 3. सं० पा०-सिंघाडग जाव पहेसु / 4. deg सद्दे (अ, म, वृपा)। 5. सं० पा०-जगवूहे इ वा परिसा निग्गच्छइ / 6. भ०१७ / 7. ओ० सू० 52 / Jain Education International For Private & Personal Use Only www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |