Page Text
________________
पढमं सतं (नवमो उद्देसो) ३६३. सत्तमे णं भंते ! तणुवाए किं गरुए ? लहुए ? गरुयलहुए ? अगरुयलहुए ?
गोयमा ! णो गरुए, णो लहुए, गरुयलहुए, णो अगरुयलहुए। ३६४. एवं सत्तमे घणवाए, सत्तमे घणोदही, सत्तमा पुढवी ।। ३६५. ओवासंतराइं सव्वाइं जहा' सत्तमे अोवासंतरे ॥ ३६६. 'जहा तणुवाए एवं-अोवास-वाय-घणउदही, पुढवी दीवा य सागरा वासा ॥ ३६७. नेरइया णं भंते ! किं गरुया ? 'लहुया ? गरुयलहुया ? • अगरुयलहुया ?
गोयमा ! णो गरुया, णो लहुया, गरुयलहुया वि, अगरुयलहुया वि ।। ३९८. से केणठेणं भंते ! एवं वुच्चइ–नेरइया णो गरुया ? णो लहुया ? गरुयलया
वि ? अगरुयलहुया वि ? गोयमा ! विउव्विय-तेयाइं पडुच्च णो गरुया, णो लहुया, गरुयलहुया, णो अगरुयलहुया । जीवं च कम्मगं च पडुच्च णो गरुया, णो लहुया, णो गरुयलहुया, अगरुयलहुया । से तेणठेणं गोयमा ! एवं वुच्चइ–नेरइया णो
गरुया, णो लहुया, गरुयलहुया वि, अगरुयलहुया वि ॥ ३६६. एवं जाव" वेमाणिया, नवरं-नाणत्तं जाणियव्वं सरीरेहिं ।।। ४००. धम्मत्थिकाए णं भंते ! कि गरुए ? लहुए ? गरुयलहुए ? अगरुयलहुए ?
गोयमा ! णो गरुए, णो लहए, णो गरुयलहए, अगरुयलहए।। ४०१. अहम्मत्थिकाए णं भंते ! किं गरुए ? लहुए ? गरुयलहुए ? अगरुयलहुए ?
गोयमा ! णो गरुए, णो लहुए, णो गरुयलहुए, अगरुयलहुए ।। ४०२. आगासत्थिकाए णं भंते ! कि गरुए ? लहुए ? गरुयलहुए? अगरुयलहुए ?
गोयमा ! णो गरुए, णो लहुए, णो गरुयलहुए, अगरुयलहुए । ४०३. जीवत्थिकाए णं भंते ! किं गरुए ? लहुए ? गरुयलहुए? अगरुयलहुए ?
गोयमा ! णो गरुए, णो लहुए, णो गरुयलहुए, अगरुयलहुए ° ।। ४०४. पोग्गलत्थिकाए णं भंते ! किं गरुए ? लहुए ? गरुयलहुए ? अगरुयलहुए ?
गोयमा ! णो गरुए, णो लहुए, गरुयलहुए वि, अगरुयलहुए वि ।। ४०५. से केणठेणं भंते ! एवं वुच्चइ-णो गरुए ? णो लहुए ? गरुयलहुए वि ?
अगरुयलहुए वि ?
गोयमा ! गरुयल हुयदव्वाइं पडुच्च णो गरुए, णो लहुए, गरुयलहुए, णो १. भ० ११३६२ ।
४. कम्मकं (क); कम्मणं (वृत्तौ लिखिते २. 'एवं गरुयलहुए' इति पाठः एकस्मिन् क्व- पाठसंकेते)।
चित प्रयुक्ते आदर्श लभ्यते । एतत् संग्रह- ५. पू०प०२। गाथायाश्चरणद्वयमस्ति तेन पूर्वोक्तस्यापि ६. सं० पा०-धम्मत्थिकाए जाव जीवत्थिकाए
'ओवास' पदस्य पुनरुल्लेखोत्र जातोस्ति । चउत्थपएणं। ३. सं० पा०-गरुया जाव अगरुय ।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |