________________
पढम सतं (अट्ठ मो उद्देसो)
तो भवइ दुरूवे दुवण्णे 'दुग्गंधे दुरसे' दुफासे अणिठे अकंते अप्पिए असुभे अमणुण्णे अमणामे हीणस्सरे दीणस्सरे अणिट्ठस्सरे अकंतस्सरे अप्पियस्सरे असुभस्सरे अमणुण्णस्सरे अमणामस्सरे 'अणाएज्जवयणे पच्चायाए' या वि भवइ। वण्णवज्झाणि य से कम्माइं नो बद्धाइं 'नो पुट्ठाइं नो निहत्ताइं नो कडाइं नो पवियाइं नो अभिनिविट्ठाई नो अभिसमण्णागयाइं नो उदिण्णाइं-उवसंताई भवंति, तो भवइ सुरूवे सुवण्णे सुगंधे सुरसे सुफासे इठे कंते पिए सुभे मणुण्णे मणामे अहीणस्सरे अदीणस्सरे इस्सरे कंतस्सरे पियस्सरे
सुभस्सरे मणुण्णस्सरे मणामस्सरे 'आदेज्जवयणे पच्चायाए" या वि भवइ ।। ३५८. सेवं भंते ! सेवं भंते ! त्ति ।।
अट्ठमो उद्देसो बालस्स पाउय-पदं ३५६. एगंतबाले णं भंते ! मणुस्से कि नेरइयाउयं पकरेति ? तिरिक्खाउयं पकरेति ?
मणुस्साउयं पकरेति ? देवाउयं पकरेति ? ने रइयाउयं किच्चा ने रइएसु उववज्जति ? तिरियाउयं किच्चा तिरिएसु उववज्जति ? मणुस्साउयं किच्चा मणुस्सेसु उववज्जति ? देवाउयं किच्चा देवलोगेसु उववज्जति ? गोयमा ! एगंतबाले णं मणुस्से ने रइयाउयं पि पकरेति, तिरियाउयं वि पकरेति, मणुस्साउयं पि पकरेति, देवाउयं पि पकरेति, नेरइयाउयं किच्चा नेरइएसु उववज्जति, तिरियाउयं किच्चा तिरिएसु उववज्जति, मणुस्साउयं
किच्चा मणुस्सेसु उववज्जति, देवाउयं किच्चा देवलोगेसु उववज्जति ।। पंडियस्स पाउय-पदं ३६०. एगंतपंडिए णं भंते ! मणुस्से कि नेरइयाउयं पकरेति' ? •तिरिक्खाउयं
पकरेति ? मणुस्साउयं पकरेति ? देवाउयं पकरेति ? नेरइयाउयं किच्चा
१. दुगंधे (म)।
३. सं० पा०—पसत्थं नेयब्वं जाव आदेज्ज । २. ० वयणपच्चाए (अ, क, ता, ब, म, स); ४. ° वयणपच्चाए (क, ता)। स्थानाङ्गे (८।१०) 'पच्चायाए' इत्येव ५. भ० १॥ ५१ । पाठोस्ति।
६. सं० पा०-पकरेति जाव देवाउयं ।
Jain Education International
For Private & Personal Use Only
www.jainelibrary.org
