________________
भगवई
करेज्ज नेरइएसु उववज्जइ । से तेणठेणं गोयमा !• एवं वुच्चइ-अत्थेगइए
उववज्जेज्जा, अत्थेगइए नो उववज्जेज्जा । गब्भस्स देवलोगगमण-पदं ३५५. जीवे णं भंते ! गभगए समाणे देवलोगेसु उववज्जेज्जा ?
गोयमा ! अत्थेगइए उववज्जेज्जा, अत्थेगइए नो उववज्जेज्जा ।। ३५६. से केणट्टेणं भंते ! एवं वुच्चइ-अत्थेगइए उववज्जेज्जा, अत्थेगइए नो
उववज्जेज्जा ? गोयमा ! से णं सण्णी पंचिदिए सव्वाहि पज्जत्तीहि पज्जत्तए तहारूवस्स समणस्स वा माहणस्स वा अंतिए एगमवि आरियं धम्मियं सुवयणं सोच्चा निसम्म तो भवइ संवेगजायसड्ढे' तिव्वधम्माणुरागरत्ते । से णं जीवे धम्मकामए पुण्णकामए सग्गकामए मोक्खकामए, धम्मकंखिए पुण्णकखिए सग्गकंखिए मोक्खकंखिए, धम्मपिवासिए पुण्णपिवासिए सग्गपिवासिए मोक्खपिवासिए, तच्चित्ते तम्मणे तल्लेसे तदभवसिए तत्तिव्वज्भवसाणे तदट्ठोवउत्ते तदप्पियकरणे तब्भावणाभाविए, एयंसि णं अंतरंसि कालं करेज्ज देवलोगेसु उववज्जइ । से तेणठेणं गोयमा ! एवं वुच्चइ-अत्थेगइए उववज्जेज्जा, अत्थगइए ना उववज्ज
थेगइए नो उववज्जेज्जा ।। ३५७. जीवे णं भंते ! गब्भगए समाणे उत्ताणए वा पासल्लए वा अंबखुज्जए वा
अच्छेज्ज वा ? चिट्ठज्ज वा ? निसीएज्ज वा ? तुयट्टेज्ज वा ? माउए सुयमाणीए' सुवइ ? जागरमाणीए जागरइ ? सुहियाए सुहिए भवइ ? दुहियाए दुहिए भवइ ? हंता गोयमा ! जीवे णं गब्भगए समाणे 'उत्ताणए वा पासल्लए वा अंबखुज्जए वा अच्छेज्ज वा चिट्ठज्ज वा निसीएज्ज वा तुयटेज्ज वा । माउए सुयमाणीए सुवइ, जागरमाणोए जागरइ, सुहियाए सुहिए भवइ° दुहियाए दुहिए भवइ । अहे णं पसवणकालसमयंसि सीसेण वा पाएहि वा आगच्छति सममागच्छति', तिरियमागच्छति विणिहायमावज्जति । वण्णवज्झाणि य से कम्माइं बद्धाइं पुट्ठाइं निहत्ताई कडाइं पट्ठवियाई अभिनिविट्ठाइं अभिसमण्णागयाइं उदिण्णाइं-नो उवसंताइं भवंति,
१. सं० पा०-गोयमा जाव अत्थे । २. ० जाइसड्ढे (ब, स)। ३. उत्ताणे (ता)। ४. पोसल्लए (अ); पासिल्लए (क); पासल्लिए
(ता, म)।
५. सुवमाणीए (क, ता, म)। ६. सं० पा०-समाणे जाव दुहियाए । ७. सम्ममा° (अ, ब, स, वृपा)।
Jain Education International
For Private & Personal Use Only
www.jainelibrary.org
