________________
तीसइमं सतं
पढमो उद्देसो समोसरण-पदं १. कइ णं भंते ! समोसरणा पण्णत्ता ?
गोयमा ! चत्तारि समोसरणा पण्णत्ता, तं जहा-किरियावादी, अकिरिया
वादी, अण्णाणियवादी, वेणइयवादी ॥ २. जीवा णं भंते ! कि किरियावादी? अकिरियावादी ? अण्णाणियवादी?
वेणइयवादी ? गोयमा ! जीवा किरियावादी वि, अकिरियावादी वि, अण्णाणियवादी वि,
वेणइयवादी वि॥ ३. सलेस्सा णं भंते ! जीवा कि किरियावादी -पुच्छा।
गोयमा ! किरियावादी वि, अकिरियावादी वि, अण्णाणियवादी वि, वेणइयवादी
वि। एवं जाव सुक्कलेस्सा ॥ ४. अलेस्सा णं भंते ! जीवा-पुच्छा।
गोयमा ! किरियावादी, नो अकिरियावादी, नो अण्णाणियवादी, नो वेणइय
वादी॥ ५. कण्हपक्खिया णं भंते ! जीवा कि किरियावादी–पुच्छा ।
गोयमा ! नो किरियावादी, अकिरियावादी, अण्णाणियवादी वि, वेणइयवादी वि। सुक्कपक्खिया जहा सलेस्सा। सम्मदिट्ठी जहा अलेस्सा। मिच्छादिट्ठी जहा कण्हपक्खिया। सम्मामिच्छादिट्ठी णं-पुच्छा। गोयमा ! नो किरियावादी, नो अकिरियावादी, अण्णाणियवादी वि, वेणइयवादी वि । नाणी जाव केवलनाणी जहा अलेस्से। अण्णाणी जाव विभंगनाणी जहा कण्हपक्खिया। अाहारसण्णोवउत्ता जाव परिग्गहसण्णोवउत्ता
१०
Jain Education International
For Private & Personal Use Only
www.jainelibrary.org
