________________
६७६
भगवई
६२१. तेसि णं भंते ! जीवाणं कहं सीहा गती, कहं सीहे गतिविसए पण्णत्ते ?
गोयमा ! से जहानामए केइ पुरिसे तरुणे बलवं एवं जहा चोदसमसए पढमु. देसए जाव' तिसमएण वा विग्गहेणं उववज्जति । तेसि णं जीवाणं तहा सीहा
गई, तहा सीहे गतिविसए पण्णत्ते ॥ ६२२. ते णं भंते ! जीवा कहं परभवियाउयं पकरेंति ?
गोयमा ! अज्झवसाणजोगनिव्वत्तिएणं करणोवाएणं, एवं खलु ते जीवा
परभवियाउयं पकरेति ॥ ६२३. तेसि णं भंते ! जीवाणं कहं गती पवत्तइ ?
गोयमा ! आउक्खएणं, भवक्खएणं, ठिइक्खएणं, एवं खलु तेसि जीवाणं गती
पवत्तति ॥ ६२४. ते णं भंते ! जीवा किं प्राइड्ढीए उववज्जति ? परिड्ढीए उववज्जति ?
गोयमा ! अाइड्ढीए उववज्जति, नो परिड्ढीए उववज्जति ।। ६२५. ते णं भंते ! जीवा कि आयकम्मुणा उववज्जति ? परकम्मुणा उववज्जति ?
गोयमा ! आयकम्मुणा उववज्जति, नो परकम्मुणा उववज्जति ।। ६२६. ते णं भंते ! जीवा कि प्रायप्पयोगेणं उववज्जति ? परप्पयोगेणं उववज्जति ?
गोयमा ! पायप्पयोगेणं उववज्जति, नो परप्पयोगेणं उववज्जति ।। ६२७. असुरकुमारा णं भंते ! कहं उववज्जति ? जहा ने रइया तहेव निरवसेसं जाव
नो परप्पयोगेणं उववज्जति । एवं एगिदियवज्जा जाव वेमाणिया । एगिदिया
एवं चेव, नवरं-चउसमइओ विग्गहो । सेसं तं चेव ।। ६२८. सेवं भंते ! सेवं भंते ! त्ति जाव विहरइ॥
६-१२ उद्देसा ६२६. भवसिद्धियने रइया णं भंते ! कहं उववज्जति ?
गोयमा ! से जहानामए पवए पवमाणे, अवसेसं तं चेव जाव वेमाणिए । ६३०. सेवं भंते ! सेवं भंते ! त्ति ॥ ६३१. अभवसिद्धियनेरइया णं भंते ! कहं उववज्जति ?
गोयमा ! से जहानामए पवए पवमाणे, अवसेसं तं चेव । एवं जाव वेमाणिए । ६३२. सेवं भंते ! सेवं भंते ! त्ति ॥
१. भ० १४।३।
२. आयड्ढीए (ता)।
Jain Education International
For Private & Personal Use Only
www.jainelibrary.org
