________________
पंचवीसइमं सतं (सत्तमो उद्देसो)
९७५ ६१२. सुक्कस्स णं झाणस्स चत्तारि अणुप्पेहायो पण्णत्तानो, तं जहा -'अणंतवत्तिया
णुप्पेहा, विप्परिणामाणुप्पेहा, असुभाणुप्पेहा, अवायाणुप्पेहा"। सेत्तं झाणे ।। ६१३. से कि तं विउसग्गे ? विउसग्गे दुविहे पण्णत्ते, तं जहा-दव्व विउसग्गे य,
भावविउसग्गे य॥ ६१४. से कि तं दव्वविउसग्गे ? दव्वविउसग्मे चउविहे पण्णत्ते, तं जहा
गणविउसग्गे, सरीरवि उसग्गे, उवहिविउसग्गे, भत्तपाणविउसग्गे। सेत्तं
दव्वविउसग्गे ॥ ६१५. से किं तं भावविउसग्गे ? भावविउसग्गे तिविहे पण्णत्ते' तं जहा
कसायविउसग्गे, संसारविउसग्गे, कम्मविउसग्गे ॥ ६१६. से किं तं कसायविउसग्गे ? कसायविउसग्गे चउविहे पण्णत्ते, तं जहा
कोहविउसग्गे, माणविउसग्गे, मायाविउसग्गे, लोभविउसग्गे । सेत्तं
कसायविउसग्गे ॥ ६१७. से किं तं संसारविउसग्गे ? संसारविउसग्गे चउबिहे पण्णत्ते, तं जहा
नेरइयसंसारविउसग्गे जाव देवसंसारविउसग्गे । सेत्तं संसारविउसग्गे ॥ ६१८. से कि तं कम्मविउसग्गे ? कम्मविउसग्गे अट्ठविहे पण्णत्ते, तं जहा
नाणावरणिज्जकम्मविउसग्गे जाव अंतराइयकम्मविउसग्गे। सेत्तं कम्मविउ
सग्गे । सेत्तं भावविउसग्गे । सेत्तं अभितरए तवे ।। ६१६. सेवं भंते ! सेवं भंते ! त्ति ॥
अट्ठमो उद्देसी नेरइयादीणं-पुणब्भव-पदं ६२०. रायगिहे जाव एवं वयासी-नेरइया णं भंते ! कहं उववज्जति ?
गोयमा ! से जहानामए पवए पवमाणे अज्झवसाणनिव्वत्तिएणं करणोवाएणं सेयकाले तं ठाणं विप्पजहित्ता पुरिमं ठाणं उवसंपज्जित्ताणं विहरइ, एवामेव एए वि जीवा पवनो विव पवमाणा अज्झवसाणनिव्वत्तिएणं करणोवाएणं सेयकाले तं भवं विप्पजहित्ता पुरिमं भवं उवसंपज्जित्ताणं विहरंति ॥
१. अवायाणुप्पेहा, असुभाणुप्पेहा, अणंतवत्तियाणुप्पेहा, विपरिणामाणुप्पेहा (ओ० सू० ४३)
Jain Education International
For Private & Personal Use Only
www.jainelibrary.org
