Page Text
________________
पंचवीसइमं सतं (सत्तमो उद्देसो) ४६२. सामाइयसंजए णं भंते ! छेदोवट्ठावणियसंजयस्स परढाणसण्णिगासेणं चरित्त
पज्जवेहि-पूच्छा।
गोयमा ! सिय हीणे--- छट्ठाणवडिए । एवं परिहारविसुद्धियस्स वि ।। ४६३. सामाइयसंजए णं भंते ! सुहुमसंपरागसंजयस्स परट्ठाणसण्णिगासेणं चरित्त
पज्जवेहिं --पुच्छा। गोयमा ! होणे, नो तुल्ले, नो अब्भहिए, अणंतगुणहीणे । एवं अहक्खायसंजयस्स वि। एवं छेदोवट्ठावणिए वि हेट्ठिल्लेसु तिसु वि समं छट्ठाणवडिए,
उवरिल्ले सु दोसु तहेव हीणे । जहा छेदोवट्ठावणिए तहा परिहारविसुद्धिए वि ।। ४६४. सुहमसंपरागसंजए णं भंते ! सामाइयसंजयस्स परढाण-पुच्छा।
गोयमा ! नो हीणे, नो तुल्ले, अब्भहिए अणंतगुणमभहिए । एवं छेप्रोवट्ठावणिय परिहारविसुद्धिएसु वि समं । सट्ठाणे सिय हीणे, नो तुल्ले, सिय अब्भ
हिए । जइ होणे अणंतगुणहीणे, अह अब्भहिए अणंतगुणमब्भहिए ।। ४६५. सुहमसंपरायसंजयस्स अहक्खायसंजयस्स परट्ठाण-पुच्छा।।
गोयमा ! हीणे, नो तुल्ले, नो अब्भहिए; अणंतगुणहीणे । अहक्खाए हेछिल्लाणं चउण्ह वि नो होणे, नो तुल्ले, अब्भहिए-अणंतगुणमब्भहिए। सट्ठाणे नो
हीणे, तुल्ले, नो अब्भहिए। ४६६. एएसि णं भंते ! सामाइय-छेदोवट्ठावणिय-परिहारविसुद्धिय-सुहमसंपराय
अहक्खायसंजयाणं जहण्णुक्कोसगाणं चरित्तपज्जवाणं कयरे कयरेहितो' 'अप्पा वा? बहुया वा ? तुल्ला वा ? ° विसेसाहिया वा? गोयमा ! सामाइयसंजयस्स छेप्रोवट्ठावणियसंजयस्स य एएसि णं जहण्णगा चरित्तपज्जवा दोण्ह वि तुल्ला सव्वत्थोवा, परिहारविसुद्धियसंजयस्स जहण्णगा चरित्तपज्जवा अणंतगुणा, तस्स चेव उक्कोसगा चरित्तपज्जवा अणंतगणा, सामाइयसंजयस्स छेप्रोवट्ठावणियसंजयस्स य एएसि णं उक्कोसगा चरित्तपज्जवा दोण्ह वि तुल्ला अणंतगुणा, सुहमसंपरायसंजयस्स जहण्णगा चरित्तपज्जवा अणंतगुणा, तस्स चेव उक्कोसगा चरित्तपज्जवा अणंतगुणा, अहक्खायसंजयस्स
अजहण्णमणुक्कोसगा चरित्तपज्जवा अणंतगुणा ।। जोग-पदं ४६७. सामाइयसंजए णं भंते ! कि सजोगी होज्जा ? अजोगी होज्जा?
गोयमा ! सजोगी जहा पुलाए। एवं जाव सुहुमसंपरायसंजए। अहक्खाए जहा' सिणाए॥
३. भ० २५।३६५ ।
१. सं० पा०-कयरेहितो जाव विसेसाहिया । २. भ० २५।३६३,३६४ ।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |