________________
९६०
भगवई
गोयमा ! अविराहणं पडुच्च एवं जहा' कसायकुसीले । एवं छेदोवढावणिए
वि । परिहारविसुद्धिए जहा' पुलाए । सेसा जहा' नियंठे । ४८४. सामाइयसंजयस्स णं भंते ! देवलोगेसु उववज्जमाणस्स केवतियं कालं ठिती
पण्णत्ता ? गोयमा ! जहण्णेणं दो पलिअोवमाइं, उक्कोसेणं तेत्तीसं सागरोवमाई। एवं
छेदोवट्ठावणिए वि॥ ४८५. परिहारविसुद्धियस्स-पुच्छा।
गोयमा ! जहणणं दो पलिग्रोवमाइं, उक्कोसेणं अट्ठारस सागरोवमाइं, सेसाणं
जहा नियंठस्स ॥ संजमट्ठाण-पदं ४८६. सामाइयसंजयस्स णं भंते ! केवतिया संजमट्ठाणा पण्णत्ता ?
गोयमा ! असंखेज्जा संजमट्ठाणा पण्णत्ता। एवं जाव परिहारविसुद्धियस्स ॥ ४८७. सुहुमसंपरायसंजयस्स–पुच्छा।
गोयमा ! असंखेज्जा अंतोमुहुत्तिया संजमट्ठाणा पण्णत्ता ।। ४८८. अहक्खायसंजयस्स -पुच्छा।
गोयमा ! एगे अजहण्णमणुक्कोसए संजमट्ठाणे पण्णत्ते॥ ४८६. एएसि णं भंते ! सामाइय-छेदोवट्ठावणिय-परिहारविसुद्धिय-सुहुमसंपराग
अहक्खायसंजयाणं संजमट्ठाणाणं कयरे कयरेहितो' 'अप्पा वा ? बहुया वा ? तुल्ला वा ? ० विसेसाहिया वा ? गोयमा ! सव्वत्थोवे अहक्खायसंजमस्स एगे अजहण्णमणुक्कोसए संजमट्ठाणे, सूहमसंपरागसंजयस्स अंतोमुहुत्तिया संजमट्ठाणा असंखेज्जगुणा, परिहारविसुद्धियसंजयस्स संजमट्ठाणा असंखेज्जगुणा, सामाइयसंजयस्स छदोवढावणिय
संजयस्स य एएसि णं संजमट्ठाणा दोण्ह वि तुल्ला असंखेज्जगुणा ।। निगास-पदं ४६०. सामाइयसंजयस्स णं भंते ! केवइया चरित्तपज्जवा पण्णत्ता?
गोयमा ! अणंता चरित्तपज्जवा पण्णत्ता । एवं जाव अहक्खायसंजयस्स ।। ४६१. सामाइयसंजए णं भंते ! सामाइयसंजयस्स सट्ठाणसण्णिगासेणं चरित्तपज्जवेहि
कि हीणे? तुल्ले ? अब्भहिए? गोयमा ! सिय हीणे-छट्ठाणवडिए ।
१. भ० २५।३४० । २. भ०२५१३३६ । ३. भ० २५।३४१ ।
४. भ. २५/३४५। ५. सं० पा०-कयरेहितो जाव विसेसाहिया । ६. X (अ, क, ख, स)।
Jain Education International
For Private & Personal Use Only
www.jainelibrary.org
