________________
१४४
भगवई
गोयमा ! अविराहणं पडुच्च इंदत्ताए वा उववज्जेज्जा जाव अहमिंदत्ताए वा
उववज्जेज्जा । विराहणं पडुच्च अण्णयरेसु उववज्जेज्जा ।। ३४१. नियंठे-पुच्छा।
गोयमा ! अविराहणं पडुच्च नो इंदत्ताए उववज्जेज्जा जाव नो लोगपालत्ताए उववज्जेज्जा, अहमिंदत्ताए उववज्जेज्जा। विराहणं पडुच्च अण्णय रेसु उवव
ज्जेज्जा ॥ ३४२. पुलायस्स णं भंते ! देवलोगेसु उववज्जमाणस्स केवतियं कालं ठिती पण्णत्ता ?
गोयमा ! जहण्णेणं पलिओवमपुहत्तं, उक्कोसेणं अट्ठारस सागरोवमाइं॥ ३४३. बउसस्स-पुच्छा।
गोयमा ! जहण्णेणं पलिग्रोवमपुहत्तं, उक्कोसेणं बावीसं सागरोवमाइं। एवं
पडिसेवणाकुसीलस्स वि ॥ ३४४. कसायकुसीलस्स-पुच्छा ।
गोयमा ! जहण्णणं पलिग्रोवमपुहत्तं, उक्कोसेणं तेत्तीसं सागरोवमाई ।। ३४५. नियंठस्स-पुच्छा।
गोयमा ! अजहण्णमणुक्कोसेणं तेत्तीसं सागरोवमाइं । संजमट्ठाण-पदं ३४६. पूलागस्स णं भंते ! केवतिया संजमद्राणा पण्णता?
गोयमा ! असंखेज्जा संजमदाणा पण्णत्ता । एवं जाव कसायकसीलस्स ॥ ३४७. नियंठस्स णं भंते ! केवतिया संजमट्ठाणा पण्णत्ता ?
गोयमा ! एगे अजहण्णमणुक्कोसए संजमट्ठाणे । एवं सिणायस्स वि ।। ३४८. एतेसि णं भंते ! पुलाग-बउस-पडिसेवणा-कसायकुसील-नियंठ-सिणायाणं संजम
ट्ठाणाणं कयरे कयरेहितो' 'अप्पा वा? बहुया वा ? तुल्ला वा ? • विसेसाहिया वा? गोयमा ! सव्वत्थोवे नियंठस्स सिणायस्स य एगे अजहण्णमणुक्कोसए संजमट्ठाणे । पुलागस्स णं संजमट्ठाणा असंखेज्जगुणा । बउसस्स संजमट्ठाणा असंखेज्जगुणा । पडिसेवणाकुसीलस्स संजमट्ठाणा असंखेज्जगुणा । कसायकुसी
लस्स संजमट्ठाणा असंखेज्जगुणा ॥ निगास-पदं ३४६. पुलागस्स णं भंते ! केवतिया चरित्तपज्जवा पण्णत्ता ?
गोयमा ! अणंता चरित्तपज्जवा पण्णत्ता । एवं जाव सिणायस्स ॥
१. सं० पा०–कयरेहितो जाव विसेसाहिया ।
Jain Education International
For Private & Personal Use Only
www.jainelibrary.org
