________________
पंचवीसइमं सतं (छट्टो उद्देसो)
६४३
भावं पडुच्च नो दुस्समदुस्समाकाले होज्जा, नो दुस्समाकाले होज्जा । एवं संतिभावेण वि जहा पुलाए जाव नो सुसमसुसमाकाले होज्जा | साहरणं पडुच्च प्रणयरे समाकाले होज्जा |
३३५. जइ नोप्रोसप्पिणि नोउस्सप्पिणिकाले होज्जा - पुच्छा ।
गोयमा ! जम्मण - संतिभावं पडुच्च नो सुसम सुसमापलिभागे होज्जा जहेव पुलाए जाव दुस्समसुसमापलि भागे होज्जा । साहरणं पडुच्च ग्रण्णयरे पलिभागे होज्जा । जहा उसे । एवं पडिसेवणाकुसीले वि । एवं कसायकुसीले वि । नियंठो सिणाओ य जहा पुलाओ, नवरं - एतेसिं अब्भहियं साहरणं भाणियव्वं । सेसं तं चैव ॥
गति-पदं
३३६. पुलाए णं भंते ! कालगए समाणे कं' गतिं गच्छति ? गोयमा ! देवगतिं गच्छति ॥
३३७. देवगतिं गच्छमाणे किं भवणवासीसु उववज्जेज्जा ? वाणमंतरेसु उववज्जेज्जा ? जोइसिसु उववज्जेज्जा ? वेमाणिएसु उववज्जेज्जा ?
गोयमा ! नो भवणवासीसु, नो वाणमंतरेसु नो जोइसिएसु, वेमाणिएसु उववज्जेज्जा । वेमाणिएसु उववज्जमाणे जहणेणं सोहम्मे कप्पे, उक्कोसेणं सहस्सारे कप्पे उववज्जेज्जा । उसे णं एवं चेव, नवरं— उक्को सेणं अच्चुए कप्पे । पडिसेवणाकुसीले जहा बउसे । कसायकुसीले जहा पुलाए, नवरं - उक्कोसेणं प्रणुत्तरविमाणे उववज्जेज्जा । नियंठे णं एवं चेव जाव वेमाणिएसु उववज्जमाणे प्रजहण्णमणुक्कोसेणं प्रणुत्तरविमाणेसु उववज्जेज्जा ।।
३३८. सिणाए णं भंते ! कालगए समाणे कं गतिं गच्छइ ?
गोयमा ! सिद्धिगतिं गच्छइ ॥
३३६. पुलाए णं भंते ! देवेसु उववज्जमाणे किं इंदत्ताए उववज्जेज्जा ? सामाणियत्ताए उववज्जेज्जा ? तादत्तीसाए' उववज्जेज्जा ? लोगपालत्ताए उववज्जेज्जा ? ग्रह्मिदत्ताए उववज्जेज्जा ?
गोयमा ! ग्रविराहणं पडुच्च इंदत्ताए उववज्जेज्जा, सामाणियत्ताए उववज्जेज्जा, तावत्तीसाए उववज्जेज्जा, लोगपालत्ताए उववज्जेज्जा, नो ग्रहमिंदता उववज्जेज्जा । विराहणं पडुच्च ग्रण्णयरेसु उववज्जेज्जा । एवं उसे वि । एवं पडि सेवणाकुसीले वि ।।
३४०. कसायकुसीले – पुच्छा ।
Jain Education International
१. किं ( अ, स ) ।
२. तावत्तीसगताए (ता) |
३. अहमिदत्ताए वा ( स ) ।
४. भवनपत्यादीनामन्यतरेषु देवेषु (वृ) ।
For Private & Personal Use Only
www.jainelibrary.org
