________________
समवाओ
बावण्णइमो समवाओ १. मोहणिज्जस्स णं कम्मस्स बावन्नं नामधेज्जा पण्णत्ता, तं जहा–कोहे कोवे
रोसे दोसे अखमा संजलणे कलहे चंडिक्के भंडणे' विवाए। माणे मदे दप्पे थंभे अत्तुक्कोसे' गव्वे परपरिवाए उक्कोसे' अवक्कोसे उन्नए उन्नामे। माया उवही नियडी वलए गहणे णमे कक्के कुरुए दंभे कूडे जिम्हे किब्बिसिए अणायरणया गृहणया वंचणया पलिकुंचणया सातिजोगे। लोभे इच्छा मुच्छा कंखा गेही तिण्हा भिज्जा अभिज्जा कामासा भोगासा
जीवियासा मरणासा नंदी रागे॥ २. गोथभस्स णं आवासपव्वयस्स परथिमिल्लाओ चरिमंताओ वलयामहस्स महा
पायालस्स पच्चत्थिमिल्ले चरिमंते, एस णं बावन्नं जोयणसहस्साइं अबाहाए
अंतरे पण्णत्ते ॥ ३. एवं दओभासस्स णं केउकस्स [य ? ], संखस्स जूयकस्स [य ? ], दयसीमस्स
ईसरस्स [य ?] ॥ ४. नाणावरणिज्जस्स नामस्स अंतरातियस्स–एतासि णं तिण्हं कम्मपगडीणं
बावन्नं उत्तरपयडीओ पण्णत्ताओ। ५. सोहम्म-सणंकुमार-माहिंदेसु तिसु कप्पेसु बावन्न विमाणावाससयसहस्सा पण्णत्ता॥
तेवण्णइमो समवाओ १. देवकुरुउत्तरकुरियातो णं जीवाओ तेवन्न-तेवन्न जोयणसहस्साइं साइरेगाई
आयामेणं पण्णत्ताओ॥ २. महाहिमवंतरुप्पीणं वासहरपव्वयाणं जीवाओ तेवन्नं-तेवन्नं जोयणसहस्साइं नव ___ य एगतीसे जोयणसए छच्च एक्कूणवीसइभाए जोयणस्स आयामेणं पण्णत्ताओ।। ३. समणस्स णं भगवओ महावीरस्स तेवन्नं अणगारा संवच्छरपरियाया पंचसु
अणुत्तरेसु महइमहालएसु महाविमाणेसु देवत्ताए उववन्ना ॥ ४. संमुच्छिमउरपरिसप्पाणं उक्कोसेणं तेवन्नं वाससहस्सा ठिई पण्णत्ता ।।
१. भडिणे (ख)। २. अत्तुक्कासे (क, ख, ग)। ३. उक्कासे (क, ग)। ४. अवकासे (क); अवकासे (ख); अचक्कासे
५. बंभणया (क); ६. ° सीमयस्स (क)। ७. अंतरावियस्स (ग)। ८. ° उत्तरयातो (ग);° उत्तरकुरुयाओ (क्व०)।
Jain Education International
For Private & Personal Use Only
www.jainelibrary.org
