________________
तीसइमो समवाओ
८७३
जे कहाहिगरणाई, संपउंजे' पुणो पुणो । सव्वतित्थाण भेयाय', महामोहं पकुव्वइ ॥३०॥ जे य आहम्मिए जोए, संपउंजे पुणो पुणो । सहाहेउं सहीहेडं, महामोहं पकुव्वइ ॥३१॥ जे य. माणुस्सए भोए, अदुवा पारलोइए । तेऽतिप्पयंतो' आसयइ, महामोहं पकुव्वइ ॥३२॥ इडी जुई जसो वण्णो, देवाणं बलवीरियं ।। तेसि अवण्णव बाले, महामोहं पकव्वइ ॥३३।। अपस्समाणो पस्सामि, देवे जक्खे य गुज्झगे।
अण्णाणि जिणपूयट्ठी, महामोहं पकुव्वइ ॥३४।। २. थेरे णं मंडियपुत्ते तीसं वासाइं सामण्णपरियायं पाउणित्ता सिद्ध बुद्धे 'मुत्ते ___ अंतगडे परिणिव्वुडे ° सव्वदुक्खप्पहीणे ॥ ३. एगमेगे णं अहोरत्ते 'तीसं महत्ता महत्तग्गेणं पण्णत्ता 'एएसि णं तीसाए
मुहुत्ताणं तीसं नामधेज्जा पण्णत्ता, तं जहा-रोद्दे सेते मित्ते वाऊ सुपीए' अभियंदे माहिंदे पलंबे बंभे सच्चे आणंदे विजए वीससेणे वायावच्चे उवसमे ईसाणे तिट्टे भावियप्पा वेसमणे वरुणे सतरिसभे गंधव्वे अग्गिवेसायणे आतवं
आवधं तद्ववे" भूमहे रिसभे" सव्वदृसिद्धे रक्खसे ।। ४. अरे णं अरहा तीसं धणुइं उड्ढे उच्चत्तेणं होत्था । ५. सहस्सारस्स णं देविंदस्स देवरण्णो तीसं सामाणियसाहस्सीओ पण्णत्ताओ। ६. पासे णं अरहा तीसं वासाइं अगारमज्झे वसित्ता [मुंडे भवित्ता ? ] अगाराओ __ अणगारियं पव्वइए। ७. समणे भगवं महावीरे तीसं वासाइं अगारमज्झे वसित्ता [मुडे भवित्ता ?]
अगाराओ अणगारियं पव्वइए ।।
१. संपउंजिय (ग)। २. भेयाणं (ग)। ३. °तप्पि° (ग)। ४. अवण्णिय (ग)। ५. स० पा०-बुद्धे जाव सव्वदुक्ख । ६. तीसमुहुत्ते (क्व)। ७. तेसिणं (ख)। ८. तीसे (ख)। ६. सुविए (ग)।
१०. अभिइंदे (ग); अभिचंदे (क्व) । ११. पलंबं (ख, ग)। १२. तट्टे (क्व)। १३. आवत्ते (क्व)। १४. तट्ठवं (ख, ग)। १५. रिसवे (ग)। १६. ° मज्झा (क, ख); आगारमझा (ग);
अगारवासमझे (क्व)। १७. अगारमझा (क, ख, ग)।
Jain Education International
For Private & Personal Use Only
www.jainelibrary.org
