________________
सत्तावीसइमो समवाओ
८६५
पण्णत्ता, तं जहा—मिच्छत्त मोहणिज्जं सोलस कसाया इत्थीवेदे पुरिसवेदे नपुंसकवे हा अरति रति भयं सोगो दुगंछा' ।।
३. इमी से णं रयणप्पभाए पुढवीए अत्थेगइयाणं नेरइयाणं छव्वीसं पलिओ माई ठिई पण्णत्ता ||
४. असत्तमाए पुढवीए अत्येगइयाणं नेरइयाणं छव्वीसं सागरोवमाई ठिई पण्णत्ता ॥
५. असुरकुमाराणं देवाणं अत्थेगइयाणं छव्वीसं पलिओवमाई ठिई पण्णत्ता ॥ ६. सोहम्मीसाणे कप्पेसु देवाणं अत्थेगइयाणं छव्वीसं पलिओवमाई ठिई
पण्णत्ता ॥
७. मज्झिम-मज्झिम- गेवेज्जयाणं देवाणं जहणणेणं छव्वीसं सागरोवमाई ठिई पण्णत्ता ॥
८. जे देवा मज्झिम हेट्टिम - गेवेज्जयविमाणेसु देवत्ताए उववण्णा, तेसि णं देवाणं उक्कोसेणं छव्वीसं सागरोवमाई ठिई पण्णत्ता ॥
६. ते णं देवा छव्वीसाए अद्धमासेहिं आणमंति वा पाणमंति वा ऊससंति वा नीससंति वा ॥
१०. तेसि णं देवाणं छव्वीसाए वाससहस्सेहिं आहारट्ठे समुप्पज्जइ ॥
११. संतेगइया भवसिद्धिया जीवा, जे छब्वीसाए भवग्गहणेहिं सिज्झिस्संति* "बुझिसंति मुच्चिसंति परिनिव्वाइस्संति सव्वदुक्खाणमंतं करिस्संति ॥
सत्तावीसइमो समवाओ
o
१. सत्तावीसं अणगारगुणा पण्णत्ता, तं जहा - पाणातिवायवेरमणे" "मुसावायवेरमणे अदिण्णादाण वेरमणे मेहुणवेरमणे परिग्गहवेरमणे • सोइंदियनिग्गहे " चक्खिदिनिग्गहे घाणिदियनिग्गहे जिम्भिदिय निग्गहे फासिंदियनिग्गहे कोहविवेगे' 'माणविवेगे मायाविवेगे लोभविवेगे भावसच्चे करणसच्चे जोग - सच्चे खमा विरागता मणसमाहरणता वतिसमाहरणता कायसमाहरणता णाणसंपण्णया दंसणसंपण्णया चरित्तसंपण्णया वेयणअहियासणया " मारणंतियअहियासणया ||
१. मच्छो ० ( क ) ।
२. सोगं ( क ) ।
३. दुगुंछं ( क ) ।
४. सं० पा० - सिज्झिस्संति जाव सव्वदुक्खाण | ५. वेरमणा (क) ।
Jain Education International
o
६. सं० पा० एवं पंचवि ।
७. सं० पा० - सोइंदियनिग्गहे जाव फासिदिय ° । ८. स० पा०—कोहेविवेगे जाव लोभ° ।
C.
१०.
समन्नाहरणया ( वृपा ) |
० अधेया ० ( क ) |
For Private & Personal Use Only
www.jainelibrary.org
