Page Text
________________
८५२
समवाओ
७. चमरस्स णं असुरिंदस्स असुर [कुमार ? ] रण्णो तिगिछिकूडे उप्पायपव्वए
सत्तरस एक्कवीसाइं जोयणसयाइं उड्ढं उच्चत्तेणं पण्णत्ते ॥ ८. बलिस्स णं' 'वतिरोयणिदस्स वतिरोयणरण्णो रुयगिंदे उप्पायपव्वए सत्तरस
एक्कवीसाइं जोयणसयाई उड्ढं उच्चत्तेणं पण्णत्ते ।। ६. सत्तरसविहे मरणे पण्णत्ते, तं जहा-आवीईमरणे ओहिमरणे आयंतियमरणे
वलायमरणे वसट्टमरणे' अंतोसल्लमरणे तब्भवमरणे बालमरणे पंडितमरणे बालपंडितमरणे छउमत्थमरणे केवलिमरणे वेहासमरणे गिद्धपट्टमरणे
भत्तपच्चक्खाणमरणे इंगिणीमरणे पाओवगमणमरणे । १०. सुहमसंपराए णं भगवं सुहुमसंपरायभावे वट्टमाणे सत्तरस कम्मपगडीओ
णिबंधति, तं जहा-आभिणिबोहियणाणावरणे सुयणाणावरणे ओहिणाणावरणे मणपज्जवणाणावरणे केवलणाणावरणे चक्खुदंसणावरणे अचक्खुदंसणावरणे
ओहीदसणावरणे केवलदसणावरणे सायावेयणिज्ज जसोकित्तिनाम उच्चागोयं
दाणंतरायं लाभंतरायं भोगंतरायं उवभोगंतरायं वीरिअअंतरायं ।। ११. इमीसे णं रयणप्पभाए पुढवीए अत्थेगइयाणं नेरइयाणं सत्तरस पलिओवमाइं
ठिई पण्णत्ता॥ १२. पंचमाए पुढवीए नेरइयाणं उक्कोसेणं सत्तरस सागरोवमाइं ठिई पण्णत्ता ॥ १३. छट्ठीए पुढवीए नेरइयाणं जहण्णेणं सत्तरस सागरोवमाई ठिई पण्णत्ता ।। १४. असुरकुमाराणं देवाणं अत्थेगइयाणं सत्तरस पलिओवमाइं ठिई पण्णत्ता॥ १५. सोहम्मीसाणेसु कप्पेसु अत्थेगइयाणं देवाणं सत्तरस पलिओवमाइं ठिई
पण्णत्ता ॥ १६. महासुक्के कप्पे देवाणं उक्कोसेणं सत्तरस सागरोवमाइं ठिई पण्णत्ता । १७. सहस्सारे कप्पे देवाणं जहण्णणं सत्तरस सागरोवमाइं ठिई पण्णत्ता ॥ १८. जे देवा सामाणं सुसामाणं महासामाणं पउमं महापउमं कुमुदं महाकुमुदं नलिणं
महानलिणं पोंडरीअं महापोंडरीअं सुक्कं महासुक्कं सीहं सोहोकतं सीहवी भाविअं विमाणं देवत्ताए उववण्णा, तेसि णं देवाणं उक्कोसेणं सत्तरस सागरो
वमाइं ठिई पण्णत्ता । १९. ते णं देवा सत्तरसहिं अद्धमासेहिं आणमंति वा पाणमंति वा ऊससंति वा नीस
संति वा ।।
१. सं० पा०-बलिस्स ...।
२॥३६६)। २. सयाई साइरेगेणं (क); °सयाइं साइरेगाई ५. वसह (क); वस? ग)।
___६. गद्धपट्ट ° (क); गिद्धिपट्ट ° (ग); गिद्धपिट्ठ ३. अंतित° (क)।
(क्व)। ४. वलय ° (भ० २।४६); वलात ° (स्थानांग ७. सीहकतं (क्व) ।
Jain Education International
For Private & Personal Use Only
www.jainelibrary.org
| SR No. | 003551 |
| Book Title | Angsuttani Part 01 - Ayaro Suyagao Thanam Samavao |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1108 |
| Language | Prakrit |
| Classification | Book_Devnagari, Agam, & Canon |
| File Size | 17 MB |