Page Text
________________
सत्तरसमो समवाओ
८५१
९. पंचमाए पुढवीए अत्येगइयाणं नेरइयाणं सोलस सागरोवमाई ठिई पण्णत्ता ॥ १०. असुरकुमाराणं देवाणं अत्थेगइयाणं सोलस पलिओ माई ठिई पण्णत्ता ॥ ११. सोहम्मीसाणे कप्पेसु अत्थेगइयाणं देवाणं सोलस पलिओ माई ठिई पण्णत्ता ॥ १२. महासुक्के कप्पे देवाणं अत्थेगइयाणं सोलस सागरोवमाई ठिई पण्णत्ता ॥ १३. जे देवा आवत्तं वियावत्तं नंदियावत्तं महाणंदियावत्तं अंकुसं अंकुस पलंबं भद्द सुभद्दं महाभद्दं सव्वओभद्दं भदुत्तरवडेंसगं विमाणं देवत्ताए उववण्णा, तेसि णं देवा उक्कोसेणं सोलस सागरोवमाई ठिई पण्णत्ता ॥
१४. ते णं देवा सोलसण्हं अद्धमासाणं आणमंति वा पाणमंति वा ऊससंति वा नोससंति वा ॥
१५. तेसि णं देवाणं सोलसवास सहस्सेहि आहारट्ठे समुप्पज्जइ ॥
१६. संतेगइआ भवसिद्धिआ जीवा, जे सोलसहिं भवग्गहणेहिं सिज्झिस्संति' 'बुज्झिसंति मुच्चिस्संति परिनिव्वाइस्संति सव्वदुक्खाण मंतं करिस्सति ॥
सत्तरसमो समवाओ
१. सत्तरसविहे असंजमे पण्णत्ते, तं जहा - पुढवीकायअसंजमे आउकाय असंजमे ते उकायअसंजमे, वाउकायअसंजमे वणस्सइकायअसंज मे बेइंदियअसंजमे तेइंदियअसंजमे चउरिदियअसंजमे पंचिदियअसंजमे अजीवकायअसंजमे पेहाअसंजमे उपेहाअसं जमे अवहट्टुअसंजमे अप्पमज्जणाअसंजमे मणअसंजमे वइअसंजमे काय असं मे ||
२. सत्तरसविहे संजमे पण्णत्ते, तं जहा - पुढवीकायसंजमे' 'आउकायसंजमे तेउकायसंजमे वाउकायसंजमे वणस्सइकायसंजमे बेडुंदियसंजमे तेइंदियसंजमे चरिदियसंजमे पंचिदियसंजमे अजीवकायसंजमे पेहासंजमे उपेहासंजमे अवहट्टसंजमे पमज्जणासं जमे मणसंजमे वइसंजमे कायसंज मे ॥
३. माणुसुत्तरे णं पव्वए सत्तरस- एक्कवीसे जोयणसए उड्ढं उच्चतेणं पण्णत्ते ॥ ४. सवेसिपि णं वेलंधर- अणुवेलंधर - णागराईणं आवासपव्वया सत्तरस - एक्कवीसाई जोयणसयाई उड्ढं उच्चत्तेणं पण्णत्ता ॥
५. लवणे णं समुद्दे सत्तरस जोयणसहस्साइं सव्वग्गेणं पण्णत्ते ||
६. इमोसे णं रयणप्पभाए पुढवीए बहुसमरमणिज्जाओ भूमिभागाओ सातिरेगाई सत्तरस जोयणसहस्साइं उड्ढं उप्पतित्ता ततो पच्छा चारणाणं तिरियं गति पवत्तति ॥
१. सं० पा० - सिज्झिस्संति जाव अंतं ।
२. सं० पा० - पुढवीकायसंजमे एवं जाव काय
Jain Education International
संजमे ।
३. माणसुत्तरे ( क ) ; माणुसत्तरे ( ग ) ।
For Private & Personal Use Only
www.jainelibrary.org
| SR No. | 003551 |
| Book Title | Angsuttani Part 01 - Ayaro Suyagao Thanam Samavao |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1108 |
| Language | Prakrit |
| Classification | Book_Devnagari, Agam, & Canon |
| File Size | 17 MB |