________________
८४६
समवाओ
८. सूरमंडले जोयणेणं तेरसहिं एगसट्ठिभागेहिं जोयणस्स ऊणे पण्णत्ते ।। ६. इमीसे णं रयणप्पभाए पुढवीए अत्थेगइयाणं नेरइयाणं तेरस पलिओवमाइं ठिई
पण्णत्ता॥ १०. पंचमाए णं पुढवोए अत्थेगइयाणं नेरइयाणं तेरस सागरोवमाइं ठिई पण्णत्ता। ११. असुरकुमाराणं देवाणं अत्थेगइयाणं तेरस पलिओवमाइं ठिई पण्णत्ता ।। १२. सोहम्मीसाणेसु कप्पेसु अत्यंगइयाणं देवाण तेरस पलिओवमाइं ठिई पण्णत्ता ।। १३. लंतए कप्पे अत्थेगइयाणं देवाणं तेरस सागरोवमाइं ठिई पण्णत्ता ।। १४. जे देवा वज्ज सुवज्जं वज्जावत्तं वज्जप्पभं वज्जकंतं वज्जवण्णं वज्जलेसं
वज्जज्झयं वज्जसिंगं वज्जसिटुं वज्जकूडं वज्जुत्तरवडेंसगं वइरं वइरावत्तं' 'वइरप्पभं वइरकंतं वइरवण्णं वइरलेसं वइरज्झयं वइरसिंगं वइरसिटुं वइरकूडं° वइरुत्तरवडंसगं लोगं लोगावत्तं लोगप्पभं 'लोगकतं लोगवण्णं लोगलेसं लोगज्झयं लोगसिंग लोगसिटुं लोगकूडं° लोगुत्तरवडेंसगं विमाणं देवत्ताए
उववण्णा, तेसि णं देवाणं उक्कोसेणं तेरस सागरोवमाइं ठिई पण्णत्ता ॥ १५. ते णं देवा तेरसहिं अद्धमासेहिं आणमंति वा पाणमंति वा ऊससंति वा
नोससंति वा॥ १६. तेसि णं देवाणं तेरसहि वाससहस्सेहिं आहारट्टे समुप्पज्जइ ॥ १७. संतेगइया' भवसिद्धिया जीवा, जे तेरसहिं भवग्गहगेहि सिज्झिस्संति' 'बुज्झि
स्संति मुच्चिस्संति परिनिव्वाइस्संति सव्वदुक्खाण मंतं करिस्संति ॥
चउद्दसमो समवाओ
१. चउद्दस भूअग्गामा पण्णत्ता, तं जहा-सुहमा अपज्जत्तया, सूहमा पज्जत्तया,
बादरा अपज्जत्तया, बादरा पज्जत्तया, बेइंदिया अपज्जत्तया, बेइंदिया पज्जत्तया, तेइंदिया अपज्जत्तया, तेइंदिया पज्जत्तया, चरिदिया अपज्जत्तया, चरिदिया पज्जत्तया, पचिदिया असण्णिअपज्जत्तया, पचिदिया असण्णिपज्जत्तया. पचिदिया
सण्णिअपज्जत्तया, पचिदिया सण्णिपज्जत्तया ।। २. चउदस पुव्वा पण्णत्ता, तं जहासंगहणी-गाहा
उप्पायपुव्वमग्गेणियं च तइयं च वीरियं पुव्वं । अत्थीनत्थिपवायं, तत्तो नाणप्पवायं च ॥१॥
१. सं० पा०-वइरावत्तं जाव वइरुत्तरवडेंसग। २. सं० पा०-लोगप्पभं जाव लोगुत्तरवडेंसगं।
३. अत्थेगइया (क, ख)। ४. सं० पा०-सिज्झस्संति जाव अंतं ।
Jain Education International
For Private & Personal Use Only
www.jainelibrary.org
