________________
तेरसमो समवाओ
८४५
१३. पंचमाए पुढवीए अत्थेगइयाणं ने रइयाणं बारस सागरोवमाइं ठिई पण्णत्ता ॥ १४. असुरकुमाराणं देवाणं अत्थेगइयाणं बारस पलिओवमाई ठिई पण्णत्ता ।। १५. सोहम्मीसाणेसु कप्पेसु अत्थेगइयाणं देवाणं बारस पलिओवमाई ठिई पण्णत्ता ।। १६. लंतए कप्पे अत्थेगइयाणं देवाणं बारस सागरोवमाइं ठिई पण्णत्ता ।। १७. जे देवा महिंदं महिंदज्झयं कंबुं कंबुग्गोवं पुंखं सुपखं महापुखं पुंडं सुपुंडं महा
पुंडं नरिंदं नरिंदकंतं नरिंदुत्तरवडेंसगं विमाणं देवत्ताए उववण्णा, तेसि णं
देवाणं उक्कोसेणं बारस सागरोवमाइं ठिई पण्णत्ता । १८. ते णं देवा बारसण्हं अद्धमासाणं आणमंति वा पाणमंति वा ऊससंति वा
नीससंति वा॥ १६. तेसि णं देवाणं बारसहिं वाससहस्सेहिं आहारटे समुप्पज्जइ ।। २०. संतेगइआ' भवसिद्धिया जीवा, जे बारसहिं भवग्गहणेहि सिज्झिस्संति' 'बुज्झि
स्संति मुच्चिस्संति परिनिव्वाइस्संति° सव्वदुक्खाणमंतं करिस्संति ।।
तेरसमो समवाओ १. तेरस किरियाठाणा पण्णता, तं जहा -अट्ठादंड अगट्ठादंडे हिंसादंडे अकम्हादंडे
दिदिविप्परिआसिआदंडे मुसावायवत्तिए अदिण्णादाणवत्तिए अज्झथिए माण
वत्तिए मित्तदोसवत्तिए मायावत्तिए लोभवत्तिए ईरियावहिए नाम तेरसमे ।। २. सोहम्मीसाणेसु कप्पेसु तेरस विमाणपत्थडा पण्णता ।। ३. सोहम्मवडेंसगे णं विमाणे णं अद्धतेरसजोयणसयसहस्साइं आयामविक्खंभेणं
पण्णत्ते ॥ ४. एवं ईसाणवडेंसगे वि ।। ५. जलयरपंचिंदिअतिरिक्खजोणिआणं अद्धतेरस जाइकुलकोडोजोणीपमुह
सयसहस्सा' पण्णत्ता ॥ ६. पाणाउस्स णं पुव्वस्स तेरस वत्थू पण्णत्ता ।। ७. गब्भवक्कंतिअपंचेंदिअतिरिक्खजोणिआणं तेरसविहे पओगे पण्णत्ते, तं जहा-.
सच्चमणपओगे मोसमणपओगे सच्चामोसमणपओगे असच्चामोसमणपओगे सच्चवइपओगे मोसवइपओगे सच्चामोसवइपओगे असच्चामोसवइपओगे ओरालिअसरीरकायपओगे ओरालिअमीससरीरकायपओगे वेउव्विअसरीरकायपओगे वेउव्विअमोससरोरकायपओगे कम्मसरीरकायपओगे।।
१. अत्थेगइया (क, ख, ग) । २. सं० पा०-सिज्झिस्संति जाव सव्वदुक्खाण ।
३. सहस्साइं (क्व)।
Jain Education International
For Private & Personal Use Only
www.jainelibrary.org
