________________
दसमं ठाणं
८०६
दाण-पदं
१७. दसविहे दाणे पण्णत्ते, तं जहासंगह-सिलोगो
अणुकंपा संगहे चेव, भये कालुणिएति य । लज्जाए गारवेणं च, अहम्मे उण सत्तमे ।।
धम्मे य अट्ठमे वुत्ते, काहीति य कतंति य ।।१।। गति-पदं १८. दसविधा गती पण्णत्ता, तं जहा–णिरयगती, णिरयविग्गहगती, तिरियगती,
तिरियविग्गहगती, "मणुयगती, मणुयविग्गहगती, देवगती, देवविग्गहगती,
सिद्धिगती, सिद्धिविग्गहगती ॥ मुंड-पदं ह. दस मुंडा पण्णत्ता, तं जहा-सोतिदियमुंडे', 'चक्खिदियमुंडे, घाणिदियमंडे,
जिभिदियमुंडे , फासिंदियमुंडे, कोहमुंडे', 'माणमुंडे मायामुंडे ° लोभमुंडे,
सिरमुंडे ॥ संखाण-पदं १००. दसविधे संखाणे पण्णत्ते, तं जहासंगहणी-गाहा
परिकम्मं ववहारो, रज्जू रासी कला-सवण्णे य । जावंतावति वग्गो, घण्णो य तह वग्गवग्गोवि ॥१॥
कप्पो य० ॥ १०१. दसविधे पच्चक्खाणे पण्णत्ते, तं जहा
अणागयमतिक्कतं, कोडीसहियं णियंटितं चेव । सागारमणागारं, परिमाणकडं णिरवसेसं ॥
संकेयगं चेव अद्धाए, पच्चक्खाणं दसविहं तु ॥१॥ सामायारी-पदं १०२. दसविहा सामायारी पण्णत्ता, तं जहा
१. सं० पा०-एवं जाव सिद्धिगती।
दितमुंडे जाव फासिंदित ° । २. सोतिदित° (क, ख, ग); सं० पा०–सोति- ३. सं० पा०-कोहमुंडे जाव लोभमंडे ।
Jain Education International
For Private & Personal Use Only
www.jainelibrary.org
