________________
७७६
संग्रहणी - गाहा
कलंबो उ पिसायाणं तुलसी भूयाण भवे, असोओ किण्णराणं च, णागरुक्खो भुयंगाणं,
वडो जक्खाण चेइयं । रक्खसाणं च कंडओ ||१|| 'किंपुरिसाणं तु" चंपओ । गंधव्वाण य तेंदुओ ॥२॥
जोइस पदं
११८. इमीसे रयणप्पभाए पुढवीए बहुसमरमणिज्जाओ भूमिभागाओ अट्ठजोयणस उड्डमबाहा सूरविमाणे चारं चरति ॥
११६. अट्ठणक्खत्ता चंदेणं सद्धि पमद्दं जोगं जोएंति, तं जहा - कत्तिया, रोहिणी, पुव्वसू, महा, चित्ता, विसाहा, अणुराधा, जेट्ठा ॥
दार-पदं
१२०. जंबुद्दीवस्स णं दीवस्स दारा अट्ठ जोयणाई उड्ढ उच्चत्तेणं पण्णत्ता ॥ १२१. सव्र्व्वेसिपि णं दीवसमुद्दाणं दारा अट्ठ जोयणाई उड्ढं उच्चत्तेणं पण्णत्ता ॥ बंध ठिति-पदं
१२२. पुरिसवेयणिज्जस्स णं कम्मस्स जहण्णेणं अट्ठसंवच्छराई बंधठिती पण्णत्ता ॥ १२३. जसोकित्तीणामस्स णं' कम्मस्स जहणेणं अट्ठ मुहुत्ताइं बंधठिती पण्णत्ता ॥ १२४. उच्चागोतस्स णं कम्मस्स जहणेणं अट्ठ मुहुत्ताइं बंधठिती पण्णत्ता ॥ कुलकोडी-पदं
१२५. तेइंदियाणं अट्ठ जाति-कुलकोडी - जोणीपमुह-सतसहस्सा पण्णत्ता ॥ पावकम्म-पदं
१२६. जीवा णं अट्ठठाणणिव्वत्तिते पोग्गले पावकम्मत्ताए चिणिसु वा चिणंति वा चिणिस्संति वा, तं जहा - पढमसमयणेरइयणिव्वत्तिते', 'अपढमसमयणे रइयणिव्वत्तिते, पढमसमयतिरियणिव्वत्तिते, अपढमसमयतिरियणिव्वत्तिते पढमसमयमणुव्वित्तिते, अपढम समयमणुयणिव्वत्तिते, पढमसमयदेवणिव्वत्तिते °, अपढमसमयदेवणिव्वत्तिते ।
Jain Education International
ठाण
एवं - चिण उवचिण'- बंध- उदीर - वेद तह णिज्जरा चेव || पोग्गल - पदं
१२७. अट्ठपएसिया खंधा अणता पण्णत्ता ।।
१२८. अट्ठपएसोगाढा पोग्गला अनंता पण्णत्ता जाव' अट्ठगुणलुक्खा पोग्गला अनंता
पण्णत्ता ॥
१. ० साण य ( ख ) ।
२. ० नामए ( क ) ।
३. सं० पा० एवं चेव ।
४. सं० पा०-- पढमसमयणेरतितणिव्वत्तिते जाव
अपढम० ।
५. सं० पा०—उवचिण जाव णिज्जरा ।
६ ठा० १।२५५,२५६ ।
For Private & Personal Use Only
www.jainelibrary.org
