________________
अट्ठमं ठाणं
७६३ संगहणी-गाहा
णिद्देसे पढमा होती', बितिया उवएसणे। ततिया करणम्मि कता, चउत्थी संपदावणे ॥१॥ पंचमी य अवादाणे, छट्ठी सस्सामिवादणे'। सत्तमी सण्णिहाणत्थे, अट्टमी आमंतणी भवे ॥२॥ तत्थ पढमा विभत्ती, णिसे-सो इमो अहं वत्ति । बितिया उण उवएसे- भण 'कुण व इमं व तं वत्ति ।।३।। ततिया करणम्मि कया- णीतं व कतं व तेण व मए वा । हंदि णमो साहाए, हवति चउत्थी पदाणंमि ॥४।। अवणे गिण्हसु तत्तो, इत्तोत्ति वा पंचमी अवादाणे। छट्ठी तस्स इमस्स व, गतस्स वा सामि-संबंधे ॥५॥ हवइ पुण सत्तमो तमिमम्मि आहारकालभावे य।
आमंतणी भवे अट्ठमी उ जह हे जुवाण! त्ति ॥६॥ छउमत्थ-केवलि-पदं २५. अट्ठ ठाणाई छउमत्थे सव्वभावेणं ण याणति ण पासति, तं जहा-धम्मत्थिकाय',
'अधम्मत्थिकायं, आगासत्थिकायं, जीवं असरीरपडिबद्धं, परमाणुपोग्गलं, सई, गंध, वातं। एताणि चेव उप्पण्णणाणदंसणधरे अरहा जिणे केवलो 'सव्वभावेणं जाणइ पासइ, त जहा-धम्मत्थिकायं, अधम्मत्थिकायं, आगासत्थिकायं, जोवं असरीर
पडिबद्धं, परमाणुपोग्गलं, सदं °, गंध, वातं ।। आउवेद-पदं २६. अट्ठविध आउवेदे पण्णत्ते, तं जहा-कुमारभिच्चे, कायतिगिच्छा, सालाई",
सल्लहत्ता', जंगोली, भूतवेज्जा, खारतंते, रसायणे"।
१. होति (क, ग)। २. अवाताणे (क, ख, ग)। ३. इह प्राकृतत्वाद् दीर्घत्वम् । ४. सन्नियाणत्थे (क, ग)। ५. आमंतणा (क, ख, ग)। ६. बितीता (ग)। ७. कुणसु (अ० सू० ३०८)।
८. भणियं (अ० सू० ३०८)। ६. धम्मत्थिगातं (क, ख, ग); सं० पा-धम्म
त्थिकायं जाव गंधं । १०. सं० पा०-केवली जाणइ पासइ जाव गंधं । ११. सालभते (क); सालाती (ख, ग)। १२. सेल्लहता (ख)। १३. रसातणे (क, ख, ग)।
Jain Education International
For Private & Personal Use Only
www.jainelibrary.org
