________________
ठाणं
७५०
१०७. " वाणमंतराणं देवाणं भवधारणिज्जा सरीरंगा उक्कोसेणं सत्त रयणीओ उड्ढ उच्चत्तेणं पण्णत्ता ॥
१०८. जोइसियाणं देवाणं भवधारणिज्जा सरीरंगा उक्कोसेणं सत्त रयणीओ उड्ढ उच्चत्तेणं पण्णत्ता ॥
१०६. सोहम्मीसाणेसु णं कप्पेसु देवाणं 'भवधारणिज्जा सरीरगा उक्कोसेणं सत्त रयणीओ उड्ढ उच्चत्तेणं पण्णत्ता ॥
नंदीसरवर - पदं
११०. दिस्सरवरस्स णं दीवस्स अंतो सत्त दीवा पण्णत्ता, तं जहा - जंबुद्दीवे, धायइसंडे, पोक्खरवरे, वरुणवरे, खीरवरे, घयवरे, खोयवरे ॥
१११. णंदीसरवरस्स णं दीवस्स अंतो सत्त समुद्दा पण्णत्ता, तं जहा - लवणे, कालोदे, पुक्खरोदे, वरुणोदे, खीरोदे, घओदे, खोओदें |
सेदि-पदं
११२. सत्त सेढीओ पण्णत्ताओ, तं जहा - उज्जुआयता, एगतोवंका, दुहतोवंका, एगतोखहा', दुहतोखहा, चक्कवाला, अद्धचक्कवाला ||
अणिय अणिया हिवइ-पदं
११३. चमरस्स णं असुरिंदस्स असुरकुमाररग्णो सत्त अणिया, सत्त अणाधिपती पण्णत्ता, तं जहा - पायत्ताणिए, पीढाणिए, कुंजराणिए, महिसाणिए, रहाणिए, ट्टाणिए, गंधव्वाणिए ।
दुमे पायत्ताणियाधिवती, सोदामे आसराया पीढाणियाधिवती, कुंथू हत्थि - राया कुंजराणियाधिवती, लोहितक्खे महिसाणियाधिवती, किण्णरे रधाणियावती, रिट्ठे णट्टाणियाधिवती, गीतरती गंधव्वाणियाधिवती ॥ ११४. बलिस्स णं वइरोयणिदस्स वइरोयणरण्णो सत्ताणिया, सत्त अणियाधिपती पण्णत्ता, तं जहा - पायत्ताणिए' जाव' गंधव्वाणिए ।
महद्दुमे पायत्ताणियाधिपती जाव" किंपुरिसे रधाणियाधिपती, महारिट्ठे" णट्टाणियाधिपती, गीतजसे गंधव्वाणियाधिपती ॥
१. सं० पा० एवं वाणमंतराणं एवं जोइसियाणं ।
२. भवधारणिज्जगा सरीरा (क, ख, ग ) । ३. कालोते (क, ख, ग ) ।
४. खोतोदे (क, ख, ग ) । ५. ० खुहा ( ख ) ।
Jain Education International
६. अणित्ता (ख) ।
७. सं० पा० - एवं जहा पंचट्ठाणे जाव किण्णरे ।
८. पत्ताणिते ( क ग ) ।
o
६. ठा० ७।११३ ।
१०. ठा० ५।५८ । ११. महारि ( क, ख, ग ) ।
For Private & Personal Use Only
www.jainelibrary.org
