________________
सत्तमं ठाणं
७४६
पमिलायति', 'तेण परं जोणी पविद्धंसति, तेण परं जोणी विद्धंसति, तेण परं
बीए अबीए भवति, तेण परं॰ जोणीवोच्छेदे पण्णत्ते ।। ठिति-पदं ६१. बायरआउकाइयाणं उक्कोसेणं सत्त वाससहस्साई ठिती पण्णत्ता । ६२. तच्चाए णं वालुयप्पभाए' पुढवीए उक्कोसेणं णेरइयाणं सत्त सागरोवमाई ठिती
पण्णत्ता॥ ६३. चउत्थीए णं पंकप्पभाए पुढवीए जहण्णेणं णेरइयाणं सत्त सागरोवमाइं ठिती
पण्णत्ता।। अग्गमहिसी-पदं ६४. सक्कस्स णं देविंदस्स देवरण्णो वरुणस्स महारण्णो सत्त अग्गमहिसीओ
पण्णत्ताओ॥ ६५. ईसाणस्स णं देविंदस्स देवरण्णो सोमस्स महारण्णो सत्त अग्गमहिसीओ
पण्णत्ताओ॥ ६६. ईसाणस्स णं देविंदस्स देवरण्णो जमस्स महारण्णो सत्त अग्गमहिसीओ
पण्णत्ताओ॥ देव-पदं ६७. ईसाणस्स णं देविंदस्स देवरण्णो अभितरपरिसाए देवाणं सत्त पलिओवमाई
ठिती पण्णत्ता। १८. सक्कस्स णं देविंदस्स देवरण्णो अग्गमहिसीणं देवीणं सत्त पलिओवमाइं ठिती
पण्णत्ता ।। ६६. सोहम्मे कप्पे परिग्गहियाणं देवीणं उक्कोसेणं सत्त पलिओवमाई ठिती पण्णत्ता । १००. 'सारस्सयमाइच्चाणं [देवाणं ? ] सत्त देवा सत्तदेवसता पण्णत्ता॥ १०१. गद्दतोयतुसियाणं देवाणं सत्त देवा सत्त देवसहस्सा पण्णत्ता ।। १०२. सणंकमारे कप्पे उक्कोसेणं देवाणं सत्त सागरोवमाई ठिती पण्णत्ता ।। १०३. माहिदे कप्पे उक्कोसेणं देवाणं सातिरेगाइं सत्त सागरोवमाइं ठिती पण्णत्ता ॥ १०४. बंभलोगे कप्पे जहण्णेणं देवाणं सत्त सागरोवमाई ठिती पण्णत्ता ।। १०५. बंभलोय-लंतएसु णं कप्पेसु विमाणा सत्त जोयणसताई उड्ढं उच्चत्तेणं पण्णत्ता ।। १०६. भवणवासीणं देवाणं भवधारणिज्जा सरीरगा उक्कोसेणं सत्त रयणीओ उड्ढं
उच्चत्तेणं पण्णत्ता॥
३. तुलना-भ० ६।११४ ।
१. सं० पा०–पमिलायति जाव जोणी । २. वालुप्पभाते (ख, ग)।
Jain Education International
For Private & Personal Use Only
www.jainelibrary.org
