________________
ठाणं
५४. धायइसंडदीवपुरत्थिमद्धे णं सत्त वासा पण्णत्ता, तं जहा-भरहे', 'एरवते, हेमवते, हेरण्णवते, हरिवासे, रम्मगवासे, महाविदेहे ॥
७४४
५५. धायइसंडदीव पुरत्थिमद्धे णं सत्त वासहरपव्वता पण्णत्ता, तं जहा -- चुल्लहिमवंते', महाहिमवंते, णिसढे, णीलवंते, रुप्पी, सिहरी, मंदरे ॥
५६. धायइसंडदीव पुरत्थिमद्धे णं सत्त महाणदीओ पुरत्थाभिमुहीओ कालोयसमुद्द समप्पेंति, तं जहा - गंगा', 'रोहिता, हरी, सीता, णरकंता, सुवण्णकूला •
1
रता ॥
५७. धायइसंडदीवपुरत्थिमद्धे णं सत्त महाणदीओ पच्चत्थाभिमुहीओ लवणसमुद्द समप्पति तं जहा - सिंधू, रोहितंसा, हरिकंता, सीतोदा, णारिकता, रुप्प - कूला, रत्तावती ॥
५८. धायइसंडदीवे पच्चत्थिमद्धे णं सत्त वासा एवं चेव, णवरं - पुरत्थाभिमुहीओ लवणसमुद्दं समप्पेंति, पच्चत्थाभिमुहीओ कालोदं । सेसं तं चेव ।।
५६. पुक्खरखरदीवड्डपुरत्थिमद्धे णं सत्त वासा तहेव', नवरं - पुरत्थाभिमुहीओ पुक्खरोदं समुदं समप्पेंति, पच्चत्थाभिमुहीओ कालोदं समुदं समप्पेंति । सेसं तं चैव ॥
६०. एवं पच्चत्थिमद्धेवि नवरं - पुरत्थाभिमुहीओ कालोदं समुदं समप्पेंति, पच्चत्थाभिमुहीओ पुक्खरोदं समप्पेंति । सव्वत्थ वासा वासहरपव्वता नदीओ य भाणितव्वाणि ||
कुलगर-पदं
६१. जंबुद्दीवे दीवे भारहे वासे तीताए उस्सप्पिणीए सत्त कुलगरा हुत्था, तं जहासंगणी - गाहा
मित्तदामे सुदामे य, सुपासे य सयंप्रभे ।
विमलघोसे सुघोसे य, महाघोसे य सत्तमे ॥१॥
६२. जंबुद्दीवे दीवे भारहे वासे इमी से ओसप्पिणीए सत्त कुलगरा हुत्थापढमित्थ विमलवाहण, चक्खुम जसमं चउत्थमभिचंदे ।
तत्तो य पसेणइए, मरुदेवे चेव
णाभी य ।।१।।
१. सं० पा०--भरहे जाव महाविदेहे । २. सं० पा० - चुल्ल हिमवंते जाव मंदरे ।
३. सं० पा० - गंगा जाव रत्ता ।
४. सं० पा० - सिंधू जाव रत्तावती ।
Jain Education International
५. ठा० ७।५४-५७ ।
६. ठा० ७१५४-५७ ।
७. तीतो ( क, ख, ग ) ।
८. पसेणइ पुण ( ख ) ।
For Private & Personal Use Only
www.jainelibrary.org
