________________
६६२
ठाणं विसट्टमाणि करित्तए। विसए से विसद्वताए, णो चेव णं संपत्तीए करेंसु वा करेंति वा° करिस्संति वा । मणस्सजाति आसीविस्स णं भंते ! केवइए विसए पण्णत्ते ° ? पभू णं मणुस्सजातिआसीविसे समयखेत्तपमाणमेत्तं बोंदि विसेणं विसपरिणतं विसट्टमाणि करेत्तए। विसए से विसट्ठताए, णो चेव णं' 'संपत्तीए करेंसु वा
करेंति वा° करिस्संति वा ॥ वाहि-तिगिच्छा-पदं ५१५. चउविहे वाही पण्णत्ते, तं जहा–वातिए, पित्तिए, सिभिए, सण्णिवातिए । ५१६. चउव्विहा तिगिच्छा पण्णत्ता, तं जहा-विज्जो, ओसधाई, आउरे, परियारए। ५१७. चत्तारि तिगिच्छगा पण्णत्ता, तं जहा-आततिगिच्छए णाममेगे णो पर
तिगिच्छए, परतिगिच्छए णाममेगे णो आततिगिच्छए, एगे आततिगिच्छएवि
परतिगिच्छएवि, एगे णो आततिगिच्छए णो परतिगिच्छए । वणकर-पदं ५१८. चतारि पुरिसजाया पण्णत्ता, तं जहा-वणकरे णाममेगे णो वणपरिमासी,
वणपरिमासी णाममेगे णो वणकरे, एगे वणकरेवि वणपरिमासीवि, एगे णो
वणकरे णो वणपरिमासी॥ ५१६. चत्तारि पुरिसजाया पण्णत्ता, तं जहा–वणकरे णाममेगे णो वणसारक्खी,
वणसारक्खी णाममेगे, णो वणकरे, एगे वणकरेवि वणसारक्खीवि, एगे णो
वणकरे णो वणसारक्खी ।। ५२०. चत्तारि पुरिसजाया पण्णत्ता, तं जहा–वणकरे णाममेगे णो वणसरोही'
वणसरोही णाममेगे णो वणकरे, एगे वणकरेवि वणसरोहीवि, एगे णो वण
करे णो वणसरोही। अंतोबाहि-पदं ५२१. चत्तारि वणा पण्णत्ता, तं जहा-अंतोसल्ले णाममेगे णो बाहिंसल्ले, बाहिंसल्ले
णाममेगे णो अंतोसल्ले, एगे अंतोसल्लेवि बाहिंसल्लेवि, एगे णो अंतोसल्ले णो बाहिंसल्ले। एवामेव चत्तारि पुरिसजाया पण्णत्ता, तं जहा–अंतोसल्ले णाममेगे णो
३. ° सारोठी (ग)।
- १. सं० पा०-मणुस्सजाति पुच्छा।
२. सं० पा०-णो चेव णं जाव करिस्संति।
For Private & Personal Use Only
www.jainelibrary.org
Jain Education International
