________________
चउत्थं ठाणं (तइओ उद्देओ)
६४५ सुयसंपण्णे णाममेगे णो रूवसंपण्णे, एगे रूवसंपण्णेवि सुयसंपण्णेवि, एगे णो
रूवसंपण्णे णो सुयसंपण्णे ॥ ४०६. "चत्तारि पुरिसजाया पण्णत्ता, तं जहा–रूवसंपण्णे णाममेगे णो सीलसंपण्णे,
सीलसंपण्णे णाममेगे णो रूवसंपण्णे, एगे रूवसंपण्णेवि सीलसंपण्णेवि, एगे णो
रूवसंपण्णे णो सीलसंपण्णे ॥ ४०७. चत्तारि पुरिसजाया पण्णत्ता, तं जहा-रूवसंपण्णे णाममेगे णो चरित्तसंपण्णे,
चरित्तसंपण्णे णाममेगे णो रूवसंपण्णे, एगे रूवसंपण्णेवि चरित्तसंपण्णेवि, एगे
णो रूवसंपण्णे णो चरित्तसंपण्णे ॥ सुय-पदं ४०८. चत्तारि पुरिसजाया पण्णत्ता, तं जहा-सुयसंपण्णे णाममेगे णो सीलसंपण्णे.
सीलसंपण्णे णाममेगे णो सुयसंपण्णे, एगे सुयसंपण्णेवि सीलसंपण्णेवि, एगे णो
सुयसंपण्णे णो सीलसंपण्णे ॥ ४०९. "चत्तारि पुरिसजाया पण्णत्ता, तं जहा-सुयसंपण्णे णाममेगे णो चरित्तसंपण्णे,
चरित्तसंपण्णे णाममेगे णो सुयसंपण्णे, एगे सुयसंपण्णेवि चरित्तसंपण्णेवि, एगे
णो सुयसंपण्णे णो चरित्तसंपण्णे ° ॥ सील-पदं ४१०. चत्तारि पुरिसजाया पण्णत्ता, तं जहा—सीलसंपण्णे णाममेगे णो चरित्तसंपण्णे.
चरित्तसंपण्णे णाममेगे णो सीलसंपण्णे, एगे सीलसंपण्णेवि चरित्तसंपण्णेवि, एगे णो सीलसंपण्णे णो चरित्तसंपण्णे ॥
आयरिय-पदं ४११. चत्तारि फला पण्णत्ता, तं जहा-आमलगमहुरे, मुद्दियामहुरे, खीरमहरे,
खंडमहुरे। एवामेव चत्तारि आयरिया पण्णत्ता, तं जहा- आमलगमहरफलसमाणे',
'मुद्दियामहुरफलसमाणे, खीरमहुरफलसमाणे °, खंडमहुरफलसमाणे ॥ वेयावच्च-पदं ४१२. चत्तारि पुरिसजाया पण्णत्ता, तं जहा—आतवेयावच्चकरे णाममेगे णो पर
वेयावच्चकरे, परवेयावच्चकरे णाममेगे णो आतवेयावच्चकरे, एगे आतवेयावच्चकरेवि परवेयावच्चकरेवि, एगे णो आतवेयावच्चकरे णो परवेयावच्चकरे ॥
१. सं० पा०–एवं रूवेण य.. चरित्तेण य । २. सं० पा०–एवं सुतेण य चरित्तेण य । ३. सं० पा०-आमलगमहरफलसमाणे जाव
खंडमहुर° । ४. वेतावच्चकरे (क, ख, ग)।
Jain Education International
For Private & Personal Use Only
www.jainelibrary.org
